Rusiye 14 neper 'taqirbash'ni 20 yilghiche bolghan türme jazasigha höküm qildi

1 - Öktebir küni rusiyining tiyumén oblastliq sot mehkimisi aléksandir yaroslawséw, aléksandir xodiriyéw qatarliq 20 - 24 yashlar etrapidiki 14 neper "taqirbash"lar guruhining gholluq ezaliri we bashliqlirini töwini 4 yilidin yuqirisi 20 yilghiche bolghan muddet bilen qamaq jazasigha höküm qildi.
Muxbirimiz ümidwar
2010.10.03
Share on WhatsApp
Share on WhatsApp

Ulargha milliy öchmenlik peyda qilish, milliy öchmenlik yoli bilen bashqilarning hayati we salametlikige zerer yetküzüsh dégendek jinayetler artilghan.
 
Yuqirida ismi atalghan ikki taqirbash fashist 2007 - yili taqirbash - milletchiler guruppisi qurup, ashkara halda rus emes milletlerge öchmenlik qilghan. Bu guruppa rus emes millet kishilirini urush we zerbe bérish nishani qilip, ilgiri - kéyin özbék, tajik, ermen qatarliq millet puqralirigha köp qétim hujum qilghan. 14 Adem ularning qattiq zerbisige uchrighan bolup, alte adem éghir yarilan'ghan, ikki adem ölgen.

Bu, "taqirbashlar" dep atalghan rus fashist yashliri guruhining uzundin buyan tunji qétim keng kölemde jazagha tartilishi bolup, taqirbashlar rusiyining hemme sheherlirige tarqalghan. Moskwa, sanktpétérburg qatarliq sheherler ularning asasliq bazisidur.

Rusiyidiki insan heqliri teshkilatliri taqirbashlarning sanining pütün rusiyide 50 - 60 ming etrapida ikenliki, ularning qolida ölgenlerning saniningmu éshiwatqanliqini otturigha qoymaqta.

Taqirbashlar "rusiyide peqet ruslarla yashash kérek" deydighan idiyige mensup bolup, moskwa we yiraq sherq qatarliq jaylardiki taqirbashlarning hujum nishanliri qatarigha xitay puqralirimu kirgen.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.