Русийә түркмәнистандин русийигә газ йәткүзүш тохтамини йеңилимақчи

Хитай даирилири түркмәнистан газини хитайға йөткәйдиған туруба линийисини қурулуши ашкарилиғандин кейин, русийә президенти медведев сәйшәнбә күни түркмәнистанға келип, түркмәнистандин русийигә газ йәткүзүш тохтамини йеңилимақчи.
Мухбиримиз җүмә
2009-12-21
Share

Франсийә агентлиқида көрситишичә, бу һәқтики хәвәрни өзини йошурун тутқан бир түркмәнистан һөкүмәт әмәлдари ашкарилиған болуп, әмма у бу һәқтә тәпсилий тохтилишни халимиған.

Мәлум болушичә, бу һәқтики хәвәрләрни кремлин баянатчисиму дәлиллигән.

Өткән йили явропаниң русийә газлириға болған еһтияҗи төвәнлигәндин кейин, русийә даирилири түркмәнистандин импорт қилидиған тәбиий газ миқдарини туюқсиз төвәнләткән иди. Мутәхәссисләрниң қаришичә, нәтиҗидә бу түркмәнистанға бир милярд доллар зиян елип кәлгән.

Хәвәрләрдә көрситишичә, русийиниң газпром ширкити түркмәнистандин 2010 - йилидин 2012 - йилиғичә болған арилиқта 11 милярд куб метирғичә тәбиий газ импорт қилиши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт