Rusiye prézidénti dmitriy médwédéw xongkongni ziyaret qildi

Rusiye prézidénti dmitriy médwédéw 16-aprél küni 100 kishilik soda-iqtisad wekiller ömikini bashlap, xongkonggha yétip keldi.
Muxbirimiz ümidwar
2011.04.17

Fransiye agéntliqining yézishiche, bu xongkong xitay qoynigha qayturup bérilip, 14 yil ötkendin kéyin rusiye prézidéntining birinchi qétim xongkonggha qedem teshrip qilishidur.

17-Aprél küni médéwédéw xongkong alahide rayonining bashliqi donald sang bilen körüshkende, “Xongkong moskwa üchün bir modél” dégen. U sözide “Xongkongning tejribiliri biz üchün intayin muhim körsetküch” dep medhiyiligen.

U rusiyining moskwani xuddi xongkongdek yer shari xaraktérlik pul-mu'amile merkiziy qilip qurup chiqidighanliqini bildürgen hemde xongkongni moskwagha meblegh sélishqa chaqirghan.

Hazir xongkong bilen rusiye arisida soda–iqtisadiy alaqiler köpiyiwatqan bolup, ikki terep sodisi bu yil 63% köpeygen.

Ikki terep moskwa bilen xongkong arisida soda–iqtisad we sayahetchilikni kücheytishke pütüshken.

Médwédéw buningdin ilgiri xeynen ölkisidiki seynada ötküzülgen rusiye, xitay, hindistan we braziliye aliy rehberlirining yighinigha qatnashqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.