Xitay bilen rusiye térrorchiliqqa qarshi herbiy meshq ötküzdi

Xitay bilen rusiye bügün etigen sa'et 11 de, rusiyining yéraq sherqtiki xabarowiski shehiride térrorchiliqqa qarshi herbiy meshq ötküzüshke bashlidi. B b s ning bayan qilishiche, bu qétimqi herbiy meshq 7 - ayning 26 - künigiche dawam qilidiken.
Muxbirimiz weli
2009-07-22
Share

Xitayning jilin ölkisining jawnen rayonidiki taktika telim ornidimu élip bérilidighan bu herbiy meshqqe ikki tereptin yéngi tiptiki ayrupilan we tankilar bilen qorallan'ghan 1300 adem qatnashqan.

Roytrs agéntliqining moskwadin xewer qilishiche, 7 - ayning 5 - küni yüz bergen ürümchi weqeside 197 adem ölüp bolghandin kéyin, rusiyining kapkaz rayonidiki indigushtya, taghistan we chéchenstanlardimu jiddiylik ulghiyishqa bashlighan idi. Bundaq ehwal astida, xitay bilen rusiye térrorchiliqqa qarshi birleshme herbiy meshiq ötküzüshke bashlidi.

Rusiyining herbiy ishlar analizchisi wiktor litowkin bügün yene 'awghanistandiki nato qisimliri hazir dunyagha saqchi bolmaqchi, emma u, rusiyning yardimi, ottura asiya döletlirining, xitayning we bashqa muhim döletlerning qollishi bolmighan ehwal astida, talibanlarni bir terep qilalmaydu' dep mulahize élan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet