Putin, xitaygha tutashturulidighan néfit turubisining uzun'gha qalmay tamamlinidighanliqini ilgiri sürdi
Muxbirimiz jüme
2009.04.06
2009.04.06
Melum bolushiche, xitaygha néfit toshush turuba liniyisini rusiyining dölet igidarchiliqidiki néfit shirkiti "transnéfit" üstige alghan bolup, bu heqte toxtalghan rusiye bash ministiri wiladimir putin, néfit turubisining belkim yene bir nechche heptige qalmighan waqit ichide xitay chégrisigha yétidighanliqini, andin qalghan bölikining tinch okyan'gha qarap dawamlashturulidighanliqini bildürgen.
Xitaygha yetküzüsh turuba liniyisi kélishimi otken yili rusiye bash minisitiri putin we xitay bash ministiri wén jyabaw arisida tüzülgen bolup, melum bolushiche, rusiye özining 4700 kilo métirliq sibiriye - tinch okyan néfit turuba liniyisidin 67 kilométirliq bir tarmaq liniye chiqirip shimaliy xitayni néfit bilen teminleydiken.