Rusiyide xitay baziri köyüp kétip, xitay sodigerliri milyard dollarliq ziyan'gha uchridi

Rusiyidiki ta s s xewer agéntliqining xewer qilishiche, rusiyining ottura qismidiki sibiriye rayonigha jaylashqan yékatirinburg shehiridiki xitay bazirida 25‏-dékabirdin 27-dékabirghiche dawamlashqan ot apitide, malliri hem dukanliri köyüp ketken xitay sodigerliri milyard dollarliq ziyan'gha uchrighan.
Muxbirimiz méhriban
2011.12.27
Share on WhatsApp
Share on WhatsApp

Xewerdin melum bolushiche, 25-dékabir chüshtin kéyin sa'et 2 lerde yékatirinburg shehiridiki xitay bazirining mal saqlash iskilatigha tuyuqsiz ot ketken. Ot apiti yüz bergen jay 4000 kwadrat métirliq keng da'irini igiligenliki hem mal iskilati qorusida saqliniwatqan mallar ziyade köp bolghini üchün, ot 26-dékabir künigiche teslikte kontrol qilinip, 27-dékabir künige kelgende pütünley öchürülgen.

Bu qétimqi ot apitide xitay sodigerlirining ziyini nahayiti éghir bolghan. “Xitay chong baziri” dep atalghan bu bazar yékatirinburg shehiridiki eng chong bazar bolup, bu bazarda 6000 neper xitay sodigiri tijaret qiliwatqan bolup, ular bazardiki sodigerlerning 90% ni igileydiken.

Rusiye da'iriliri xitay baziridiki mal iskilatigha ot kétish sewebining tekshürülüwatqanliqini bildürüp, ot apitining kishiler teripidin qesten peyda qilinish éhtimaliningmu barliqini bildürgen. Rusiye hem ottura asiya elliride xitay bazarlirining köyüp kétish yaki ziyan'gha uchrash weqeliri ilgiri bir nechche qétim yüz bergen idi. 2002-Yili 2-ayda qirghizistandiki xitay baziri köydürüwétilgende bazarda tijaret qiliwatqan Uyghur sodigerliri éghir ziyan'gha uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.