Saqchi xizmitini bahalashqa ishik échish pa'aliyiti Uyghur élide "térrorluqqa qarshi turush körüshi" ge birleshtürülüp élip bérilidiken

Xitay axbaratlirida xewer qilinishiche, xitay jama'et xewpsizlik ministirliqi "keng kölemlik yoqlash" arqiliq saqchi xizmitini bahalashqa ishik échish pa'aliyiti yolgha qoyghan bolup, bu pa'aliyet Uyghur élide "térrorluqqa qarshi turush körüshi" ge birleshtürülüp élip bérilidiken.
Muxbirimiz jüme
2011.01.29

Shinxu'a axbaratining xewer qilishiche, Uyghur élide élip bérilidighan mezkur heriket bu yil 2-aydin 5-ayghiche élip bérilidiken.

Xewerge qarighanda, aptonom rayonluq jama'et xewpsizlik nazariti "keng kölemlik yoqlash" arqiliq saqchigha ishik échish herikitini tekshürüsh guruppisi teshkilligen bolup, mezkur guruppa Uyghur élining her qaysi jaylirida "yoqlash" xizmitini nazaret qilidiken. Mezkur guruppa yene amma bilen söhbet ötküzüp, ularning "yoqlash" we " qattiq zerbe bérip؛ omumlashturup tüzesh" xizmetliridin alghan tesiratlirini anglaydiken.

Halbuki, saqchigha ishik échish xizmitining Uyghur élide yenila basturush yaki xelqning yürikini mujush sheklide élip bérilidighanliqi ilgiri sürülmekte.

Xewerde otturigha qoyulushiche, aptonom rayonluq j x nazaritining naziri ju changjiyé "yoqlash" xizmitini Uyghur élining emeliyitige maslashturup élip bérishni telep qilghan.

Xewerde mundaq déyilgen "oxshash waqitta rayonning her qaysi jayliridiki saqchilardin yoqlash we ishik échish xizmitini térrorluqqa qarshi tutup, qattiq zerbe bérish xizmitige birleshtürüp élip bérish telep qilindi."

Xitay yerlik hökümiti pütün Uyghur éli miqyasida téxi yéqindila "100 künlük qattiq zerbe bérish herikiti" ni bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.