Сайрам көлиниң муһити булғанмақта

Тәңритағ хәвәрләр торидин мәлум болушичә, уйғур районидики тәбий мәнзирилик район болған сайрам көлиниң муһити еғир булғанған.
Мухбиримиз ирадә
2010.08.06
Share on WhatsApp
Share on WhatsApp

Хәвәрдә ейтилишичә, саяһәтчиләрниң, көл бойиға селинған ашхана, меһманханиларниң үзлүксиз көпийиши түпәйлидин бу орунлардин чиқиватқан әхләтләр от - чөпләрни қаплап кәткән. Әхләт тошуп кәткән йәрләрдики от - чөпләр қурушқа башлиған.

Тәңритағ тор бетидә бундин илгири берилгән хәвәрләрдин мәлум болушичә, уйғур елидики көлими бир қәдәр чоң болған даңлиқ көлләрниң һәммиси дегүдәк булғинишқа учриған. Мунасивәтлик тәкшүрүш орунлириниң уйғур елидики 26 көл вә дәряда елип барған тәкшүрүш нәтиҗисидин қариғанда, буларниң су сүпити кишини чөчүткүдәк дәриҗидә омумйүзлүк начар чиққан болуп, бағраш көли, түмән дәряси, сайрам һәмдә қанас көллириниң булғиниш дәриҗилири бир қәдәр юқири икән.

Мәлум болушичә, су булғинишиға сәвәб болған асаслиқ амил, муһит қоғдаш қанун-бәлгилимилириниң яхши иҗра қилинмаслиқи, тәбий муһитни қоғдашқа хилап һәрикәтләрниң көп йүз бериши икән.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.