17 Нәпәр хитай сақчисини өлтүргән уйғур һуҗумчиларға берилгән өлүм җазаси иҗра қилинди

9 - Апрел пәйшәнбә күни, бейҗиң олимпики һарписида 17 нәпәр хитай сақчисини өлтүргән уйғур һуҗумчиларға берилгән өлүм җазаси иҗра қилинди.
Мухбиримиз җүмә
2009-04-09
Елхәт
Пикир
Share
Принт

Қурбанҗан һимит вә абдурахман азад қатарлиқ икки нәпәр уйғур яш, 2008 - йили 4 - авғуст қәшқәр сәмән йолида әтигәнлики чениқишқа чиққан 70 нәпәргә йеқин хитай чегра мудапиә сақчисиға һуҗум қилип, уларниң 17 нәпирини өлтүргән вә 16 нәпирини яридар қилған иди.

Хитай ахбаратида көрситилишичә, бу уйғур һуҗумчиларға "чегра сақчилириға террорлуқ һуҗуми қозғап, уларниң 17 нәпирини өлтүргән" дегән җинайәт артилип өлүмгә буйрулған.

Қурбанҗан һимит вә абдурахман азатларға җаза иҗра қилиш алдидики очуқ сотқа 4000 дәк һөкүмәт хадимлири вә йәрлик амма қатнаштурулған.

Дуня уйғур қурултийи баянатчиси дилшат ришит бу һәқтә хәлқара мәтбуатларға бәргән баянатида, мәзкур уйғур яшларниң түрмидә еғир тән җазасиға учриғанлиқи, һәтта сот мәйданиғиму меңип келәлмигәнликини билдүргән.

Пикирләр (0)
Share
Толуқ бәт