17 Neper xitay saqchisini öltürgen Uyghur hujumchilargha bérilgen ölüm jazasi ijra qilindi

9 - Aprél peyshenbe küni, béyjing olimpiki harpisida 17 neper xitay saqchisini öltürgen Uyghur hujumchilargha bérilgen ölüm jazasi ijra qilindi.
Muxbirimiz jüme
2009-04-09
Élxet
Pikir
Share
Print

Qurbanjan himit we abduraxman azad qatarliq ikki neper Uyghur yash, 2008 - yili 4 - awghust qeshqer semen yolida etigenliki chéniqishqa chiqqan 70 neperge yéqin xitay chégra mudapi'e saqchisigha hujum qilip, ularning 17 nepirini öltürgen we 16 nepirini yaridar qilghan idi.

Xitay axbaratida körsitilishiche, bu Uyghur hujumchilargha "chégra saqchilirigha térrorluq hujumi qozghap, ularning 17 nepirini öltürgen" dégen jinayet artilip ölümge buyrulghan.

Qurbanjan himit we abduraxman azatlargha jaza ijra qilish aldidiki ochuq sotqa 4000 dek hökümet xadimliri we yerlik amma qatnashturulghan.

Dunya Uyghur qurultiyi bayanatchisi dilshat rishit bu heqte xelq'ara metbu'atlargha bergen bayanatida, mezkur Uyghur yashlarning türmide éghir ten jazasigha uchrighanliqi, hetta sot meydanighimu méngip kélelmigenlikini bildürgen.

Toluq bet