Uyghur élide her yili 3000 etrapida sergerdan balilar yighiwélinidu

Uyghur aptonom rayonluq qutquzush bashqurush ishxanisining bashliqi sün xeyyüning bildürüshiche, Uyghur aptonom rayonida her yili texminen 3000 etrapida sergerdan balilar yighiwélinidiken.
Muxbirimiz méhriban
2011.04.20

Melum bolushiche, Uyghur aptonom rayon da'iriliri 2011-yili 50 milyon yüen meblegh sélip, 15 yerde sergerdan balilar terbiyilesh merkizi qurushni pilanlighan. Bu xewer 19-aprél küni ürümchi paytext gézitide bérilgen.

Uyghur biz tor békitining xelq'ara torida türlük yollar arqiliq, xitay ölkilirige élip kélin'gen sergerdan balilarning ehwali heqqide mexsus sehipe échilghan.

Bu sehipidiki xewerlerdin melum bolushiche, xitay ölkiliride Uyghur ashxanilirida yallinip ishlewatqan, yanchuqchiliq qilishqa mejburliniwatqan sergerdan balilarning köpchiliki yézilardiki namrat déhqanlarning baliliri bolup, bu balilar turmush qiyinchiliqi sewebidin tirikchilik yoli izdep, ürümchi hem xitay ölkilirige kelgen yaki adem bédikliri teripidin aldap élip kétilgen balilar iken.

Uyghur aptonom rayonluq hökümet da'iriliri ilgiri sergerdan balilar mesilisini hel qilidighanliqi heqqide köp qétim wede bergen bolsimu, emma sergerdan balilarni yighiwalghandin kéyin ularni terbiyilesh mesilisi heqqide köprek emeliy ish élip bérilmighan idi.

Shunga Uyghur élidiki sergerdan balilar mesilisi yéqinqi yillardin buyan Uyghurlarning diqqitini qozghap kéliwatqan muhim mesililerning birige aylan'ghan idi.

Xitay hökümiti 2009-yili 5- iyul weqesidin kéyin mejburiy taqiwetken Uyghur tor betliride sergerdan balilar mesilisi hem ularni qutquzush heqqide köp qétim muraji'etnamiler élan qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.