Shangxeyde minglighan yük aptomobil shopurliri ish tashlap namayish qiliwatqili 4 kün boldi

Shangxeyde minglighan yük aptomobil shopurliri ish tashlap, kochigha chiqip namayish qiliwatqili 4 kün boldi.
Muxbirimiz weli
2011.04.23

Radi'omiz muxbirining bayan qilishiche, gerche tünügün xitay da'irilirining ish tashlighan shopurlarni tutqun qilidighan jiddiy heriketliri sel peseygen bolsimu, emma kochida namayish qilip, hökümetke dawamliq telep qoyuwatqan yük aptomobil shopurliri we yük aptomobil shirketliri xizmetchilirining sani azaymighan, belki köpeygen.

Shangxeyde yéqilghu bahasi kündin kün'ge örlewatqanliqi we yük toshush heqqining herxil namlar bilen töwenlitilip, yük aptomobil shopurliri we yük toshush shirketlirining mewjutluqi tehditke uchrighanliqi, yük aptomobil shopurlirining ish tashlishigha sewebchi bolghan.

Xewerde éytilishiche, yerlik uchur wasitiliri xitay saqchilirining namayish qilghan shopurlarni basturghanliqigha köz yumghan ehwal astida, sirttin shangxeyge kiridighan yük aptomobilliri toxtap qalghandin kéyin, tünügün xitay da'iriliri tedbirini özgertip, ish tashlighan shopurlargha yuqiri awazliq kanaylar bilen, sheherlik hökümet silerning telepliringlargha intayin köngül bölüwatidu, jawabini düshenbe küni alisiler, dep wez éytishqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.