Шаңхәй һәмкарлиқ тәшкилатидики дөләтләр арисида су тоқунуши келип чиқмақта

Шаңхәй һәмкарлиқ тәшкилатидики русийә, таҗикистан, өзбекистан, қирғизистан арисида, су мәнбәәлиридин пайдилиниш мәсилисидә тоқунуш келип чиқиватқандин башқа, хитай билән қазақстанму су мәнбәлири мәсилисидә тоқунушқа йүзләнмәктә.
Мухбиримиз вәли
2009-01-31
Share


Америка авазиниң бүгүн москвадин хәвәр қилишичә, русийә президенти медведев өзбекистанда 'чегридаш дәрялардин пайдилиништа һәр тәрәп мақул болған болуши керәк' дәп җакарлиғандин кейин, таҗикистан русийини 'өзбекистанға ян басти' дәп әйиблигән вә русийиниң таҗикистанда әскәр турғузушиға қарши чиқип, афғанистан мәсилисидә америка билән һәмкарлишидиғанлиқини билдүргән.

Хәвәрдә ейтилишичә йәнә, қазақистанму 'хитай ертиш дәрясиниң сүйини көп сәрп қилип, қазақистанниң су мәнбәсини камлитивәтти' дәп хитайға наразилиқ билдүргән.

Рус мүтәхәссислириниң қаришичә, оттура асия дөләтлири арисида су мәнбәлири мәсилиси күндин - күнгә кәскинләшмәктә. Бу мәсилә оттура асия дөләтлириниң кәлгүси истиқбалиға мунасивәтлик мәсилә. Бу райондики су тоқунушини һәл қилишқа русийә билән хитайниң һечқайсисиниң қурби йәтмәйду. Қайси бири һәм бу районда тез мәнпәәт чиқмайдиған ишқа мәбләғ селишни халимайду. Әмма оттура асия дөләтлири һазир тинчлиққа муһтаҗ.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт