Пакистан шаңхәй гуруһиға қатнишиш үчүн өзбекистандин ярдәм сориди

2 - Април күни пакистан пайтәхти исламабадта зиярәттә болуватқан өзбекистан ташқи ишлар министири владимир норов пакистан президенти асиф зәрдари билән көрүшүп, икки дөләт һәмкарлиқлири мәсилилири һәққидә пикир алмаштурғанда президент зәрдари пакистанниң шаңхәй һәмкарлиқ тәшкилатиниң рәсмий вә толуқ һоқуқлуқ әзаси болуш арзусини ейтип, өзбекистанниң бу җәһәттә ярдәм көрситишини тәләп қилған.
Мухбиримиз үмүдвар
2010-04-04
Share

Бундақ болушидики сәвәб өзбекистан шаңхәй һәмкарлиқ тәшкилатиниң бу нөвәтлик рәис дөлити болғанлиқи үчүн ташкәнтниң бу җәһәттә рол ойниши мумкин.

Бу хәвәрни өзбекистанниң" уз - дайли" дәп аталған рәсмий учур агентлиқи ашкарилиған болуп, пәрғанә агентлиқиниң бу һәқтә нәқил көрситишичә, пакистан президенти бу хил тәлипини өткән йили 12 - айда шаңхәй һәмкарлиқ тәшкилатиниң секритари болат нурғалийев билән учрашқандиму оттуриға қойған.

Нөвәттә, пакистан шаңхәй һәмкарлиқ тәшкилатида пәқәт көзәткүчилик салаһийәткә игә болуп, униң мәзкур тәшкилатқа рәсмий әза болуш тәлипи бурунму оттуриға чиққан болсиму, лекин һазирғичә әмәлгә ашмай келиватқанлиқи мәлум. Нөвәттә, шаңхәй һәмкарлиқ тәшкилатиниң һәмкарлиқ даирисиниң изчил кеңийиватқанлиқи, әмма террорчилиққа қарши бирликтә күрәш қилиш нами астидики һәрбий һәмкарлиқниң йәнила асаслиқ амил икәнлики мәлум.

Уйғур елиниң әтрапидики шаңхәй гуруһиға әза вә яки көзәткүчи салаһийәтлик мәмликәтләр хитайниң уйғурларниң һәрикитини террорчилиқ билән бағлап, униңға бирликтә зәрбә бериш тәлипини изчил қоллап келиватқан болуп, пакистанниң бу җәһәттә хитай билән йеқин һәмкарлишиватқанлиқи мәлум.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт