Шаярда уйғурлар намайиш қилип, бир уйғур балиниң өлтүрүветилгәнликигә наразилиқ билдүргән

Уйғур елидә чиқидиған тор бекәтлириниң хәвәр қилишичә, бир түркүм уйғурлар шаяр наһийә базиридики бир оюнчуқханиниң алдида йиғилип, оюнчуқханидики хитайларниң бир уйғур балини өлтүрүвәткәнликигә наразилиқ билдүрүп намайиш қилған шундақла 8 гә йеқин намайишчи сақчилар тәрипидин қолға елинған.
Мухбиримиз әркин
2009-01-30
Share

Уйғур елидә чиқидиған бир тор бекити вәқә тоғрисида мундақ хәвәр бәрди": шаяр чоң базардики бир оюнчуқханида бир уйғур яш оюнчуқ ойнаветип шу оюнчуқханида ишләйдиған бир хитайниң путиға дәссивалған һәм у хитайдин әпу сориған. Бирақ бу хитай болди қилмай у балини тутувелип бир қанчини урған. Оюнчуқханидики башқа кишиләр немә иш болғанлиқини аңқирип болғичә, оюнчуқханида ишләйдиған 20 гә йеқин хитай қолиға пичақ, калтәк көтүрүп, оюнчуқханидики адәмләрни сиртқа чиқириветип ишикни тақивалған. Һелиқи уйғур балиниң оюнчуқханида қепқалған әһвалдин хәвәр тапқан кишиләр һәр қанчә қилипму ишикни ачалмай җ х органиға хәвәр қилған. Лекин сақчилар келип болуштин илгири.... Оюнчуқханидики хитайлар һелиқи балини 2 ‏ - қәвәт деризидин пәскә ташливәткән. Бу бала дохтурханиға апириш җәрянида өлгән."

Хәвәрдә йәнә, сақчилар келип нәқ мәйданни көргәнлики, бир қанчә уйғур яшни тутуп кәткәнлики, лекин оюнчуқханидики хитайларни тәкшүрмәй уларни қоғдиғанлиқини, 8 гә йеқин кишиниң қолға елинғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт