Шәндоң өлкиси қәшқәргә һәр йили 70 нәпәр алий мәктәп оқуғучиси әвәтмәкчи

Хитайда чиқидиған вақит гезитиниң хәвәр қилишичә, шәндоң өлкиси һәр йили 70 нәпәр алий мәктәп оқуғучисини қәшқәргә әвәтишни қарар қилған.
Мухбиримиз ирадә
2011-01-13
Share

Хәвәрдә ейтилишичә, мәркизи һөкүмәтниң "шинҗаңға түрләр бойичә ярдәм бериш" қарариниң роһиға асасән, шәндоң өлкилик яшлар иттипақи қәшқәр вилайити билән "қолму -қол тутушуш" һәрикити елип беришни вә шундақла һәр йили 70 нәпәр алий мәктәп оқуғучисини қәшқәргә хизмәткә әвәтишни қарар қилған.

Игилинишичә, шәндоңниң қәшқәргә түрләр бойичә ярдәм бериш хизмити 2020-йилиғичә давам қилидиған болуп, қәшқәргә әвәтилидиған бу 70 нәпәр алий мәктәп оқуғучиси қәшқәрниң йеңисар, йопурға вә мәкит қатарлиқ наһийилиригә әвәтилидикән.

Хитай даирилири 5-июл үрүмчи вәқәсидин кейин бейҗиңда шинҗаң хизмити йиғини чақирип, уйғур райониниң һәрқайси вилайәт шәһәрлирини хитайниң 19 өлкисигә ярдәм беришкә бөлүп бәргән иди. Игилинишичә шәндоң өлкиси йәнә қәшқәр билән "қолму-қол тутушуп", қәшқәргә 30 дин артуқ оқутқучи әвәтидикән. Бу оқутқучилар йәрлик оқутқучиларни тәрбийиләш, йетәкләш хизмәтлирини қилидикән.

Хитай һөкүмити 5-июл вәқәсидин кейин уйғур райониға ярдәм бериш, ихтисаслиқ хадим йөткәш нами астида давамлиқ түрдә адәм йөткимәктә. Әмма иш күтүп турған уйғур яшлирини болса ешинча әмгәк күчи дәп ичкири хитай өлкилиригә йөткәш сүритини тезләтмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт