Shendong ölkisi qeshqerge her yili 70 neper aliy mektep oqughuchisi ewetmekchi

Xitayda chiqidighan waqit gézitining xewer qilishiche, shendong ölkisi her yili 70 neper aliy mektep oqughuchisini qeshqerge ewetishni qarar qilghan.
Muxbirimiz irade
2011-01-13
Share

Xewerde éytilishiche, merkizi hökümetning "shinjanggha türler boyiche yardem bérish" qararining rohigha asasen, shendong ölkilik yashlar ittipaqi qeshqer wilayiti bilen "qolmu -qol tutushush" herikiti élip bérishni we shundaqla her yili 70 neper aliy mektep oqughuchisini qeshqerge xizmetke ewetishni qarar qilghan.

Igilinishiche, shendongning qeshqerge türler boyiche yardem bérish xizmiti 2020-yilighiche dawam qilidighan bolup, qeshqerge ewetilidighan bu 70 neper aliy mektep oqughuchisi qeshqerning yéngisar, yopurgha we mekit qatarliq nahiyilirige ewetilidiken.

Xitay da'iriliri 5-iyul ürümchi weqesidin kéyin béyjingda shinjang xizmiti yighini chaqirip, Uyghur rayonining herqaysi wilayet sheherlirini xitayning 19 ölkisige yardem bérishke bölüp bergen idi. Igilinishiche shendong ölkisi yene qeshqer bilen "qolmu-qol tutushup", qeshqerge 30 din artuq oqutquchi ewetidiken. Bu oqutquchilar yerlik oqutquchilarni terbiyilesh, yéteklesh xizmetlirini qilidiken.

Xitay hökümiti 5-iyul weqesidin kéyin Uyghur rayonigha yardem bérish, ixtisasliq xadim yötkesh nami astida dawamliq türde adem yötkimekte. Emma ish kütüp turghan Uyghur yashlirini bolsa éshincha emgek küchi dep ichkiri xitay ölkilirige yötkesh sür'itini tézletmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet