Shenshi ölkiside yüzligen kishiler qoghushundin zeherlinishni keltürüp chiqarghan ximiye zawutigha bésip kirdi

Birleshme agéntliqida körsitishiche, namayish 17 - awghust düshenbe küni yüz bergen. Bir nechche yüz namayishchi, yollarni tosup, sim tosuqlarni chuwup dungling qoghushun we sink éritish zawutigha basturup kirgen.

Xewerlerge qarighanda, namayish, ötken hepte shenshi ölkisi féngshiyang nahiyiside 615 ösmürning qoghushundin zeherlen'genliki, bularning arisida 154 nepirining yataqqa élin'ghanliqi heqqidiki xewer ashkarilan'ghandin kéyin meydan'gha kelgen.

100 Din artuq saqchi heriketke keltürülgen we bawji shehirining bashliqi namayishni bésiqturushqa kelgen. Hazirche namayishta yarilan'ghan yaki qolgha élin'ghanlar heqqide tepsiliy melumat yoq.

Xitay merkiziy téléwiziyisining xewirige qarighanda, zeherlinishni mezkur nahiyige jaylashqan 100 ming tonniliq "dungling qoghushun we sink zawuti" keltürüp chiqarghan.