Шималий корийә: 'америка билән өз - ара дүшмәнлишишкә хатимә беримиз'

Шималий корийә дүшәнбә күни америка билән дипломатик мунасивәтлирини яхшилайдиғанлиқини билдүрди. Шималий корийә ахбаратида көрситишичә, бу һәқтики пикирләрни шималий корийиниң иккинчи номурлуқ рәһбири ким йоңнам тәкитлигән болуп, у, "шималий корийә билән америка арисидики өз - ара дүшмәнлишиш мунасивәтлиригә диалог вә кеңишиш йоли билән хатимә бериш зөрүрийити" ни алаһидә тәкитлигән.
Мухбиримиз җүмә
2010-02-15
Share

Франсийә агентлиқида нәқил қилинишичә, ким йоңнам йәнә, җәнубий вә шималий корийиләр арисидики өз  - ара мунасивәтләрниму илгири сүрүп ахирида бирликкә келиш вә шималий корийиниң турмуш сәвийисини өстүрүш мәсилидә шималий корийиниң мәйданиниң интайин мустәһкәм икәнликини илгири сүргән.

Хәвәрдә көрситилишичә, ким йоңнамниң бу баянати шималий корийә юқири дәриҗилик дөләт вә армийә рәһбәрлири қатнашқан дөләт дәриҗилик йиғинда оттуриға қоюлған.

Шималий корийини ядро қораллиридин халий қилиш үстидә елип бериливатқан 6 тәрәп сөһбити, шималий корийиниң қошулмаслиқи билән үзүлүп қалған иди.

Хәвәрләрдә оттуриға қоюлушичә, шималий корийә даирилири вашингтон билән мунасивәтлирини яхшилайдиғанлиқини илгири сүргәндин кейин 6 тәрәп сөһбити йеңи бир басқучқа кириши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт