Shimaliy koriye: 'amérika bilen öz - ara düshmenlishishke xatime bérimiz'

Shimaliy koriye düshenbe küni amérika bilen diplomatik munasiwetlirini yaxshilaydighanliqini bildürdi. Shimaliy koriye axbaratida körsitishiche, bu heqtiki pikirlerni shimaliy koriyining ikkinchi nomurluq rehbiri kim yongnam tekitligen bolup, u, "shimaliy koriye bilen amérika arisidiki öz - ara düshmenlishish munasiwetlirige di'alog we kéngishish yoli bilen xatime bérish zörüriyiti" ni alahide tekitligen.
Muxbirimiz jüme
2010-02-15
Share

Fransiye agéntliqida neqil qilinishiche, kim yongnam yene, jenubiy we shimaliy koriyiler arisidiki öz  - ara munasiwetlernimu ilgiri sürüp axirida birlikke kélish we shimaliy koriyining turmush sewiyisini östürüsh mesilide shimaliy koriyining meydanining intayin mustehkem ikenlikini ilgiri sürgen.

Xewerde körsitilishiche, kim yongnamning bu bayanati shimaliy koriye yuqiri derijilik dölet we armiye rehberliri qatnashqan dölet derijilik yighinda otturigha qoyulghan.

Shimaliy koriyini yadro qoralliridin xaliy qilish üstide élip bériliwatqan 6 terep söhbiti, shimaliy koriyining qoshulmasliqi bilen üzülüp qalghan idi.

Xewerlerde otturigha qoyulushiche, shimaliy koriye da'iriliri washin'gton bilen munasiwetlirini yaxshilaydighanliqini ilgiri sürgendin kéyin 6 terep söhbiti yéngi bir basquchqa kirishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet