ئامېرىكا شىمالى كورىيىنى ئاتوم دۆلىتى دەپ ئېتىراپ قىلمايدۇ

رويترس ئاگېنتلىىقنىڭ بايان قىلىشىچە، ئامېرىكا دۆلەت مۇداپىئە مىنىسىتىرى روبرت گەيت سىنگاپوردا ئۆتكۈزىلىۋاتقان سۆھبەتتە 'شىمالى كورىيە ئاتوم دۆلىتى دەپ ئېتىراپ قىلىنمايدۇ، ھازىرقى نىشان يەنىلا كورىيە يېرىم ئارىلىنى ئاتومسىزلاندۇرۇشتىن ئىبارەت' دەپ جاكارلىدى.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2009-05-30
Share

شۇنداقلا، شىمالى كورىيىنىڭ ئاتوم سىنىقى بىۋاستە ئامېرىكا تەھدىت بولمايدىغانلىقىنى بەلكى بۇ تامامەن رايون خارەكتىرلىق تەھدىت ئىكەنلىكىنى كۆرسۈتۈپ، خىتاينى بىرلەشكەن دۆلەتلەر تەشكىلاتى بىخەتەرلىك كېڭىشىنىڭ رەت قىلىش ھوقۇقى بار ئەزاسى بولۇش سۈپىتى بىلەن شىمالى كورىيىگە قارىتا ھەرىكەت قوللىنىشقا چاقىردى.

خىتاي گېنېرالى ماشاۋتىيەن بۇ مەسىلىدە، خىتاي ئۆزىنىڭ تەسىرىدىن پايدىلىنىدىغانلىقىنى بىلدۈردى ۋە شىمالى كورىينى يادروسىزلاندۇرۇلۇشقا قاراپ ئىلگىرىلەشكە چاقىردى. شۇنداقلا يەنە 'بىز يادرو قوراللىرىنىڭ تارقىلىپ كېتىشگە باشتىن - ئاخىر قارشى تۇرۇپ كېلىۋاتىمىز' دەپ جاكارلىدى.

فرانسىيە ئاگېنتلىقىنىڭ بايان قىلىشىچە، شىمالى كورىيىنىڭ يادرو قوراللىرى ۋە باشقۇرۇلىدىغان بامبا سىناق قىلىشلىغا قارىتا، ھازىر ئامېرىكا، ياپونىيە، جەنۇبىي كورىيىلەر بىرلىكتە ئىنكاس قايتۇرۇشقا تەييار تۇرماقتا.

رويترس ئاگېنتلىىقنىڭ ياپونىيىنىڭ كادېنادىن خەۋەر قىلىشىچە، ئامېرىكا پرېزىدېنتى بارەك ئوباما بۈگۈن ياپونىيە باش مىنىستىرى تاروئاسو بىلەن تېلېفون ئارقىلىق كېلىشكەندىن كېيىن، ئامېرىكىنىڭ ئالى تېخنىكىلىق 12 دانە F - 22 بەلگىلىك ئۇرۇشچى ئايرۇپىلانى ياپونىيىنىڭ ئوكىناۋا ئارىلىغا ئورۇنلاشتۇرۇلۇشقا باشلىدى.

 
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت