Shimaliy koriye ikki dane qisqa musapilik bashqurilidighan bomba sinaq qilghan

Jenubiy koriye dölet mudapi'e tarmaqliri shimaliy koriyining sherqiy déngiz rayonida ikki dane qisqa musapilik bashqurilidighan bomba atqanliqini élan qildi. Bildürülüshiche, bu bashqurilidighan bombilar 2 - iyul seherde étilghan bolup, uning qandaq tiptiki bomba ikenliki heqqide éniq melumat bérilmidi.
Muxbirimiz irade
2009-07-02
Share

Shimaliy koriye 5 - ayning 25 - küni yer asti yadro bombsi siniqi élip bérip xelq'ara jem'iyetning küchlük naraziliqini qozghighan idi. Shimaliy koriye hökümitining yene 6 - ayning 25 - künidin 7 - ayning 10 - künigiche sherqiy déngiz rayonini cheklen'gen rayon dep élan qilishi yene bir sinaqning élip bérilidighanliqi gumanini peyda qilghan. Shimaliy koriyining bu sinaqliri rayondiki döletlerde jiddiylik peyda qiliwatqan bolup, amérika shimaliy koriyining yadro sinaq pilanlirini toxtitishida xitayni aktip rol oyniyalaydu, dep qarimaqta.

Charshenbe küni amérikidin bir hey'et xitaygha bérip, shimaliy koriye yadro mesilisi heqqide söhbet ötküzgen. Hey'et bashliqi dölet mudapi'e ministirliqining muhim erbapliridin filip goldbérg xitay terep bilen ötküzülgen söhbetning intayin netijilik bolghanliqini we özlirining meqsitining birleshken döletler teshkilatining shimaliy koriyige jaza yürgüzüshini ishqa ashurush ikenlikini dédi.

Los anzhéls waqti géziti bu heqtiki xewiride mundaq dep yazidi: xitayning shimaliy koriyining ittipaqdishi we eng chong tijaret ortaqliridin biri. Xitay gerche shimaliy koriyining yadro snaqlirigha qarshi bolsimu, emma shimaliy koriye hakimiyitining aghdurulushinimu xalimaydu. Xitay, shimaliy koriyige özlirining ular bilen bolghan iqtsi'adiy munasiwitini pütünley késidighanliqi heqqide bésim ishlitishi kérek.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet