Шималий корийә президенти ким җоң ил хитайда мәхпий зиярәттә болған

Җәнубий корийә ахбаратлириға қариғанда, ким җоң ил алди билән хитайниң чаңчүн шәһиригә пойиз билән йетип барған вә хитай даирилири тәминлигән дөләтлик меһманханиға чүшкән.

Хитай шималий корийиниң әң йеқин иттипақдиши болуп, ким җоң ил алдинқи йили оғли ким җуң унни һоқуқ вариси қилип бекиткәндә хитайға биллә елип барға иди.

Ким җуң илниң хитай зиярити америка даирилири шималий корийидә йүз бериватқан ачарчилиқ әһвалини тәкшүрүшкә алаһидә әлчи әвәтиш алдида турған мәзгилгә тоғра кәлди.

Америка дөләт ишлар министирлиқиниң җүмә күни ашкарилишичә, америкиниң алаһидә әлчиси роберт киң 24-майдин 28-майғичә, шималий корийигә берип, шималий корийиниң қанчилик ашлиққа моһтаҗ икәнликни баһалап чиқидикән.

Мәлум болушичә, бу нөвәт шималий корийигә йәнә америка хәлқаралиқ тәрәққият идарисидинму хадимлар баридикән.

Шималий корийидә еғир ачарчилиқ йүз бериватқанлиқи илгири сүрүлүватқан болсиму, шималий корийә даирилири ашлиқ записиниң йетәрлик икәнликни көрситип кәлмәктә иди.