Amérika sün'iy hemrah pilani mesiliside shimaliy koriyini agahlandurdi

Yéqinda shimaliy koriyining sün'iy hemrah qoyup bérish pilanini élan qilishi seweblik, shimaliy koriye bilen amérika munasiwitide jiddiylik shekillen'gen idi.
Muxbirimiz méhriban
2012-03-20
Élxet
Pikir
Share
Print

Bügün 20-mart küni xitay tashqi ishlar ministirliqining asiya ishliri mes'uli lo jawxuy béyjingda bayanat élan qilip, amérika hem shimaliy koriye her ikki terepni shimaliy koriyining sün'iy hemrah qoyup bérish pilani mesiliside özini tutuwélishqa chaqirdi.

Shimaliy koriye ötken jüme 16-mart küni bayanat élan qilip, bu yil 4-ayda hawagha 4 dane sün'iy hemrah qoyup bérish arqiliq, shimaliy koriye dahiysi kim'érsinni'ing tughulghanliqining 100 yilliqini xatirileydighanliqini bildürgen.

Amérika shimaliy koriyining hawagha sün'iy hemrah qoyup bérish pilanigha naraziliq bildürüp, bu xil sinaqning emeliyette yadro siniqi ikenlikini ilgiri sürüp, buning shimaliy koriyining ötken ayda bergen yadro siniqi élip barmasliq wedisige xilap ikenlikini tekitligen. Shundaqla eger shimaliy koriye hawagha sün'iy hemrah qoyup berse, amérikining shimaliy koriyige bérilidighan ashliq yardimini toxtitidighanliqini agahlandurghan idi.

Shimaliy koriye terepmu düshenbe küni amérikining naraziliqigha qarita bayanat élan qilip, sün'iy hemrah qoyup bérishning yadro siniqi emeslikini tekitligen idi.

Toluq bet