Шинзо абе қайтидин баш вәзир болуп сайланди

26 - Декабир японийә парламент әзалири японийә парламентида биләт ташлап, сабиқ японийә баш вәзири шинзо абени қайтидин баш вәзир қилип сайлап чиқти. Шинзо абе сайламдин кейин йеңи кабинет тәшкиллиди.

2012.12.26
Share on WhatsApp
Share on WhatsApp


японийидики әң чоң өктичи партийә - әркин демократлар партийиси бу айда японийидә өткүзүлгән парламент сайлимида үстүнлүкни игилигән.

2 - Дуня урушидин буян һакимийәт йүргүзүп келиватқан әркин демократлар партийиси 2009 - йили японийә демократик партийисигә уттуруп қойған иди.

Әркин демократлар партийиси японийә иқтисадини яхшилаш, дөләт мудапиәсини күчәйтиш вә японийиниң территорийә пүтүнлүкини қоғдаш җәһәтләрдики қаттиқ мәйдани билән хәлқниң қоллишиға еришкән.

Шинзо абе япон милләтчилириниң вәкиллиридин бири болуп, у бу йил май токйода дуня уйғур қурултийиға қатнашқан вәкилләрни қобул қилған вә японийә парламентида қурулған “японийә - уйғур достлуқ җәмийити” ниң баш мәслиһәтчилик вәзиписини үстигә алған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.