Shwétsariye güentanamodiki ikki Uyghurni qobul qilishta ikkilenmekte
Muxbirimiz shohret hoshur
2010.01.12
2010.01.12
Bügün shwétsariye parlaméntining alaqidar komitéti bu ikki neper Uyghurni qobul qilish mesilisini muzakire qilghan. Muzakiride, 10gha qarshi 15 awaz bilen qobul qilish pikri ret qilin'ghan. Emma bu axirqi qarar emes. Axirqi qarar shwétsariye dölet kéngishi teripidin békitilidu.
Xitay tashqi ishlar bayanatchisi bügün güentanamodiki Uyghurlar mesiliside meydanini yene bir qétim tekitlep, güentanamodiki Uyghurlarning amérikigha qoyup bérilmesliki kéreklikini hem shwétsariye qatarliq bashqa döletlerningmu ularni qobul qilmasliqi kéreklikini, junggo puqrasi bolghan bu kishilerning xitaygha qayturulishi kéreklikini bildürgen.
Xitay bayanatchisi güentanamodiki Uyghurlarning térrorchi gumandarliri ikenlikini, ularning sherqi türkistan islam herikiti teshkilatining ezaliri ikenlikini yene bir qétim tekitligen.
Bügünki shwétsariye parlaméntidiki muzakirige qatnashqan parlamént ezaliridin Jacob Bucheler, qobul qilmasliq qararining élinishida, asasliqi bixeterlik mesilisini oylashqanliqini, yeni yéqinda amérikida yüz bergen térrorluqqa a'it weqening, bu qétimqi qararda tesiri bolghanliqini bildürgen.
Shwétsariye dölet kéngishi yette ministirliqning mes'ulliridin teshkillen'gen bolup, axirqi qararni adalet we jama'et xewpsizlik ishliri ministiri Evelyne xanimning béridighanliqi texmin qilinmaqta.