Хитай шивитсарийиниң гуантанамодики 2 нәпәр уйғурни қобул қилмақчи болғанлиқиға наразилиқ билдүрди

Франсийә агентлиқиниң хәвәр қилишичә, хитай шивитсарийиниң гуантанамода тутуп туриливатқан уйғурлардин 2 нәпирини қобул қилмақчи болғанлиқиға наразилиқ билдүрди.
Мухбиримиз ирадә
2010-01-07
Share

Игилинишичә, хитайниң шивитсарийидә турушлуқ әлчиханиси чаршәнбә күни шивитсарийә даирилириға хәт йезип, " биз террористларниң милләт тәркиби сүрүштүрүлмигән асаста хитайға қайтуруп берилиши керәкликини қайта - қайта тәкитләймиз. Биз бу вәқәниң шветсарийә - хитай мунасивәтлиригә зиян йәткүзүшини халимаймиз" дегән вә уларни хитайниң мәйданиға һөрмәт қилип, бу уйғурларни қобул қилмаслиққа чақирған.

Хәвәрдин мәлум болушичә йәнә, шивитсарийә ташқи ишлар министирликиниң баянатчиси мухбирға хитай һөкүмитиниң хетини тапшуруп алғанлиқини, әмма шивитсарийә һөкүмитиниң бу уйғурларни қобул қилиш - қилмаслиқ һәққидә техи рәсмий қарар чиқармиғанлиқини ейтқан.

Гуантанамода тутуп туриливатқан 22 нәпәр уйғурниң гунаһсизлиқи испатланғандин кейин, америка һөкүмити бу уйғурларни хитайниң күчлүк тәлипигә қаримай, уларни хитайға қайтурмай башқа бир дөләткә орунлаштуруш үчүн изчил хизмәт қилмақта.

Һазирғичә бу уйғурларниң 5 нәпири албанийигә, 4 нәпири бермудаға, 6 нәпири палавға орунлаштурулди. Нөвәттә, гуантанамода йәнә 7 нәпәр уйғур 3 - дөләткә орунлишишни күтүп турмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт