Xitay shiwitsariyining gu'antanamodiki 2 neper Uyghurni qobul qilmaqchi bolghanliqigha naraziliq bildürdi

Fransiye agéntliqining xewer qilishiche, xitay shiwitsariyining gu'antanamoda tutup turiliwatqan Uyghurlardin 2 nepirini qobul qilmaqchi bolghanliqigha naraziliq bildürdi.
Muxbirimiz irade
2010-01-07
Share

Igilinishiche, xitayning shiwitsariyide turushluq elchixanisi charshenbe küni shiwitsariye da'irilirigha xet yézip, " biz térroristlarning millet terkibi sürüshtürülmigen asasta xitaygha qayturup bérilishi kéreklikini qayta - qayta tekitleymiz. Biz bu weqening shwétsariye - xitay munasiwetlirige ziyan yetküzüshini xalimaymiz" dégen we ularni xitayning meydanigha hörmet qilip, bu Uyghurlarni qobul qilmasliqqa chaqirghan.

Xewerdin melum bolushiche yene, shiwitsariye tashqi ishlar ministirlikining bayanatchisi muxbirgha xitay hökümitining xétini tapshurup alghanliqini, emma shiwitsariye hökümitining bu Uyghurlarni qobul qilish - qilmasliq heqqide téxi resmiy qarar chiqarmighanliqini éytqan.

Gu'antanamoda tutup turiliwatqan 22 neper Uyghurning gunahsizliqi ispatlan'ghandin kéyin, amérika hökümiti bu Uyghurlarni xitayning küchlük telipige qarimay, ularni xitaygha qayturmay bashqa bir döletke orunlashturush üchün izchil xizmet qilmaqta.

Hazirghiche bu Uyghurlarning 5 nepiri albaniyige, 4 nepiri bérmudagha, 6 nepiri palawgha orunlashturuldi. Nöwette, gu'antanamoda yene 7 neper Uyghur 3 - döletke orunlishishni kütüp turmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet