Шиветсийидики уйғурлар шветсийиниң сайлам тәйярлиқ паалийәтлиригә иштирак қилмақта

19 - Сентәбир күни шветсийидә омумий сайлам өткүзүлмәкчи. Нөвәттә шветсийидә давам қиливатқан сайлам тәйярлиқ паалийәтлиригә шиветсийидики уйғурларму актип қатнашмақта. Уйғурлар асаслиқи, шветсийә парламентидики уйғурларни билидиған вә қоллайдиған партийә вә парламент әзалирини қоллимақта.
Мухбиримиз шөһрәт һошур
2010.09.04
Share on WhatsApp
Share on WhatsApp
Annelie-Enochson-xanim-saylam-paaliyiti-Shiwetsiye-Uyghurliri-305 Сүрәт, 3 -сентәбир, шветсийә уйғур комитети 10 кишилик бир гуруппа тәшкилләп, шветсийә парламентидики уйғурларни 10 йилдин бери қоллап келиватқан Annelie Enochson ханимниң сайлам райониға берип, униң сайлам тәшвиқат паалийәтлиригә һәмкарлашқан көрүнүшләрдин бири.
RFA Photo / Shohret Hoshur

Түнүгүн шветсийә уйғур комитети 10 кишилик бир гуруппа тәшкилләп, шветсийә парламентидики уйғурларни 10 йилдин бери қоллап келиватқан, Annelie Enochson ханимниң сайлам райониға берип, униң сайлам тәшвиқат паалийәтлиригә һәмкарлашқан.

Улар бу җәрянда 3000 дин артуқ тәшвиқат вариқини мәзкур районда тарқатқан. Уйғур һәйәтләрниң паалийәтлиридин мәмнун болған, Annelie Enochson ханим, уйғурларни һимайә қилиш ишини уйғур миллий һәрикитиниң рәһбири рабийә қадир ханим, нобел мукапатини алғанға қәдәр давамлаштуримән дәп вәдә бәргән.
Annelie-Enochson-xanim-saylam-paaliyiti-Shiwetsiye-Uyghurliri1-305
Сүрәт, 3 -сентәбир, шветсийә уйғур комитети 10 кишилик бир гуруппа тәшкилләп, шветсийә парламентидики уйғурларни 10 йилдин бери қоллап келиватқан Annelie Enochson ханимниң сайлам райониға берип, униң сайлам тәшвиқат паалийәтлиригә һәмкарлашқан көрүнүшләрдин бири.
RFA Photo / Shohret Hoshur

Шветсийә уйғур комитети йәнә алдимиздики һәптә ичидә, шветсийә парламентидики уйғурларни қоллап келиватқан йешиллар партийисини қоллап, стокхолумда паалийәт елип бармақчи.

Толуқсиз мәлуматлардин қариғанда нөвәттә шветсийидә 700 гә йеқин уйғур яшайду. Буниң 100гә йеқини шветсийә вәтәндеши; шуңа улар, сайламниң тәшвиқат паалийәтлиригә һәмкарлишиш арқилиқ, шветсийә парламентида уйғурларниң авазини шәкилләндүрүшкә тиришмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт