Shwétsiye ' babur jasusluq weqesi' ge chétishliq xitay diplomatini chigridin qoghlap chiqarghan

Shwétsi'iye tashqiy ishlar ministirliqi düshenbe küni shwétsiye bixeterlik da'iriliri teripidin yéqinda qolgha élin'ghan "babur jasusluq weqesi" ge chétishliq bir xitay diplomatning chégridin qoghlap chiqirilghanliqini élan qildi.
Muxbirimiz erkin
2009.06.22
Share on WhatsApp
Share on WhatsApp

Shwétsiye metbu'atliri stokholimdiki bu xitay diplomatning shwétsiye tewelikidiki Uyghur babur mexsutning xitaygha jasusluq qilish weqesi bilen munasiwetlik ikenlikini, shwétsiye bixeterlik orgini baburni qolgha élip uzun ötmey bu diplomatning salahiyitige uyghun bolmighan heriketlerni élip barghanliqi sewebi chégridin qoghlap chiqirilghanliqini bildürgen.

Xitay diplomati chégridin qoghlap chiqirilip uzun ötmey, xitay hökümiti béyjingdiki shwétsiye elchixanisining bir diplomatini chégridin qoghlap chiqarghan. Lékin her ikki dölet chégridin qoghlap chiqirilghan diplomatlarning ismini élan qilmidi. Shwétsiye hökümiti chégridin qoghlap chiqirilghan bu diplomatning melum bir dölet elchixanisining xadimi ikenlikini ilgiri sürdi.

Shwétsiye tashqi ishlar ministirliqining bayanatchisi andérs jörlé mundaq deydu: "bir chet'ellik diplomatning qoghlap chiqirilghanliqini mu'eyyenleshtürimiz. Lékin men bu diplomatning qaysi dölettin kelgenlikige baha bermeymen. Biz yene buninggha jawaben bir shwétsiye diplomatining chégridin qoghlap chiqirilghanliqini élan qilimiz."

Shwétsiye axbarat agéntliqi TT bolsa chégridin qoghlap chiqirish weqesining 4 ‏- iyun küni qolgha élin'ghan jasus gumandari babur mexsut bilen munasiwetlik ikenlikini bildürgen.

Bu yil 61 yashlardiki babur mexsut lenjuda tughulghan bolup, 1980 ‏- yilliri xotende yashighan. 1990 ‏- Yillarning axiri shwétsiyige kélip siyasiy panahliq tiligen. 20002 ‏- Yili shwétsiye wetendashliqigha ötken idi. U, 6 ‏- ayning 4 ‏- küni xitay elchixanisining chégridin qoghlap chiqirilghan diplomatigha axbarat bériwatqanda, shwétsiye bixeterlik da'iriliri teripidin qolgha élin'ghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet