Явропа сода-санаәтчилири хитайни ислаһатқа чақирди

Бүгүн явропа сода-санаәтчиләр бирлики доклат елан қилип, хитайдин дөләт игиликидики карханиларни азайтишни тәләп қилди. Доклатта, йеқинда ечилидиған қурултайда рәсмий вәзипигә олтуридиған йеңи рәһбәрлик ислаһатқа чақирилған вә " йеңи рәһбәрлик дәври чоқум иқтисадни юқири көтүрүп, ислаһат елип баридиған тарихи пурсәткә айландурулуши керәк" дейилгән.
Мухбиримиз ирадә
2012.09.06

Доклатта ейтилишичә, хитай һөкүмити йиллардин буян хусусий карханиларни йөләшкә вәдә берип кәлгән болсиму, әмма бу әмәлийәткә айланмиған, банка қәрзлири давамлиқ йәнила дөләт игиликидики карханиларға берилгән.

Явропа сода-санаәтчилири дөләт игиликидики карханиларға тайинип қелишниң әмәлийәттә исрапчилиқни кәлтүрүп чиқиридиғанлиқини агаһландуруп, хитай һөкүмити әгәр дөләт игиликидики карханилирини азайтип, тиҗарәтни әркин қоювәткән тәқдирдә буниң хитай иқтисадиниң өрлиши һәм дуня иқтисадиниң җанлинишиға пайдилиқ икәнликини тәкитлиди.

Дуня банкисиму бу йил 2-айда елан қилған доклатида, әгәр хитай һөкүмити өз пуқралириниң киримини ашуримән дәйдикән, чоқум алди билән йеңи тәрәққият пилани түзүп чиқиши керәк, дәп тәклип бәргән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.