"Stalin we maw" namliq höjjetlik filimde seypidin ezizmu körünidu

Yéqinda rusiyining "tb merkez" studiyisi 20-esirdiki dangliq ikki kommunist dikatorliridin yosif stalin bilen maw zédongning hemkarliq tarixigha a'it bir höjjetlik filim ishlep tarqatti.
Muxbirimiz ümidwar
2010-12-12
Élxet
Pikir
Share
Print

Filimning nami " maw we stalin" bolup, mezkur filim höjjetlik filim réjisorliridin lé'onid mléchin we yékatérina galpérina teripidin ishlen'gen.

Gerche mezkur filimning ishlen'genlikige bir yilche bolghan bolsimu, biraq rusiye körermenliri teripidin eng köp körülgen filimlerning birige aylan'ghan.

Filimde mawzédungning kélip chiqishi we uning sabiq sowét ittipaqi we uning rehbiri stalin bilen bolghan munasiwetlirige a'it köpligen ilgiri mexpiy tutulghan süretlik we yazma höjjetler hemde bir qisim neq meydandin tartilghan filimlerdin parchilar orun alghan.

Filimde mawzédung qandaq qilip, sowét ittipaqi bilen munasiwet ornatti? néme üchün stalin uni yaxshi körmidi? dégendek so'allargha jawab bérilgen.

Filimdiki eng muhim höjjetlik kino léntilirining biri 1949-yili, 12-ayda maw zédongning moskwagha élip barghan mexpiy ziyaritidur.

Yene bir qiziqarliq körünüsh, 1950-yili, 2-ayning 14-künidiki "sowét-xitay dostluq shertnamisi"ning imzalinish murasimi bolup, bu yerde eyni waqitta maw zédong bilen moskwagha barghan seypidin ezizmu namayan bolidu. Seypidin ezizning stalin we maw zédong bilen bir sorundiki qisqa körünüshini bu yerdin körüsh mumkin.

Melumki, 1949-yili 2- aydiki sowét wekili mikoyanning shibeypo ziyariti, 1949-yili, 7-aydiki li'u shawchining moskwa ziyariti jeryanida ghuljini merkez qilghan sabiq sherqiy türkistan hökümitining eng axirqi teqdiri pichilghan idi. Ene shuningdin kéyin, 1950-yilining béshida seypidin eziz maw zédong teripidin moskwagha élip bérilip, sowét-xitay dostluq shertnamisini imzalash, bolupmu mezkur kélishimge asasen sowét ittipaqi bilen Uyghur éli arisidiki ayrim kan bayliqlirini échishqa a'it kélishimni imzalashqa biwasite qatnashturulghan idi.

Toluq bet