Arxip
2010-12-31
Merkizi fransiye paytexti parizhdiki xelq'ara axbarat erkinlik orgini- chégrasiz muxbirlar teshkilati peyshenbe küni dunyaning 2010 - yilliq axbarat erkinlik ehwali heqqide doklat élan qilip, axbarat xadimlirining bu bir yilda öltürülüsh, qolgha élinish, görüge tutulush, tehdit we jismaniy hujumgha uchrash, qéchip kétishke mejbur bolush qatarliq 9 türlük ziyankeshlikke uchrash hadisisi üstidin bahalash élip bardi.
2010-12-31
Yéqinda yeken nahiyisidiki yerlik da'iriler mezkur nahiyidiki bir top Uyghur we xitay xristi'an muritlirining bir yerge toplinip, rojistiwa bayrimi we yéngi yil munasiwiti bilen ötküzgen birleshme diniy murasimigha mudaxile qilghan.
2010-12-31
Uyghur aptonom rayoni yerlik axbarat wasitilirining ashkarilishiche, ürümchi shehiri da'iriliri kéler yildin bashlap yol yaqisidiki kechlik bazarlarni emeldin qaldurushni we buningdin kéyin bashqa rayonlardimu bundaq bazarlarni testiqlimasliqni qarar qilghan.
2010-12-31
Yaponiye bash ministiri na'uto kan 2011- yili xitayni ziyaret qilip, ötken yili 9 - ayda sénkako taqim arilining etrapida yüz bergen xitay béliqchilar kémisi bilen yaponiye charlash paraxotining öz ara soqulup kétish sewebidin jiddiyliship ketken yaponiye -xitay munasiwitini eslige keltürüshni oylashmaqta iken.
2010-12-30
Xitay da'iriliri teripidin Uyghur aptonom rayonidiki nuqtiliq qurulush türige kirgüzüp, az dégende 5 milyard 73 milyon yüen meblegh sélin'ghan qeshqer-xoten tömür yoli qurulushining 30 - dékabir küni resmiy pütkenliki élan qilindi.
2010-12-30
Uyghur aptonom rayoni da'iriliri 30 - dékabir küni axbarat élan qilish yighini chaqirip, 2015 - yildin burun Uyghur élide aliy mektep püttürüp ish kütüp turghan oqughuchilardin 280 ming kishini ishqa orunlashturup bolidighanliqini jakarlidi.
2010-12-30
Rusiye prézidénti midwédéf rusiyide "xitay sheherchiliri"ge oxshash bir millet ahalisi topliship olturaqlashqan ahaliler rayonlirining qurulushigha yol qoyulmaydighanliqini bildürgen.
2010-12-30
Fransiye lémondié gézitining yawropa ittipaqi emeldarlirining sözini neqil keltürüp xewer qilishiche, yawropa ittipaqi xitay 1989 - yili tyen'enmén oqughuchilar démokratiye herikitini basturghandin kéyin, xitaygha qoyghan qoral-yaraq émbargosini kéler yilning bashliri bikar qilmaqchi iken.
2010-12-29
Xitay bilen watikan arisidiki munasiwetler, yéqinqi yillardin béri, xitayning atalmish wetenperwer diniy zat yétishtürüsh we katolik chérkawlirini wetenperwer katolik diniy zatlirining qoligha ötküzüsh tirishchanliqi sewebidin bezide renjishish we bezide yiriklishish jeryanini bashtin kechürmekte.
2010-12-29
Xitay j x ministirliqi iqtisadiy jinayetler bölümining mes'uli ming chingféng, tünügün xitay kündilik géziti muxbirigha qilghan sözide, xitaydin dölet we shirketlerning pulini élip qachqan iqtisadiy jinayet gumandarliridin az dégende 580 kishining nöwette chet'ellerde panahliniwatqanliqini bildürdi.
2010-12-29
Xitayning chong shirketliridin zéjin kan shirkiti, seyshenbe küni bayanat élan qilip, bu yil séntebirde kan örülüsh weqeside ölgen 22 kishining a'ilisige jem'iy 50 milyon tölem töleydighanliqini bildürgen.
2010-12-29
Xitayning guyju ölkiside kawapchiliq qiliwatqan alim isimlik Uyghur tijaretchi, 8 yildin buyan guyjudiki a'ile qiyinchiliqi bar xitay oqughuchilargha jem'iy 100 ming yüendin artuq pul i'ane qilghan. Uning ish izliri yéqinqi aylardin béri xitay axbarat wasitiliride xewer qilinip munaziriler qozghighan idi. Shinxu'a agéntliqining xewer qilishiche alim, xitaydiki 2010-yilliq 10 tesirlik shexs namzatliqigha kirgüzülgen.
2010-12-29
Uyghur we xitay tilidin ibaret 2 xil tilda uchur we tetqiqat mulazimiti qiliwatqan Uyghurbiz torbéti, 5 -iyul weqeside qutratquluq qildi dep eyiblinip taqiwétilgendin kéyin, mulazimet da'irisini chet'elge yötkigen.
2010-12-28
Bügün xitay ölkiliridiki radi'o anglighuchilirimizdin birining inkas qilishiche, shinjang uniwérsitéti rus tili sinipining oqughuchisi pezilet ekberni, ürümchi sheherlik ottura sot mehkimisi bu yil 4 -ayda ölüm jazasigha höküm qilip, jazani 2 yil kéchiktürüp ijra qilishqa buyrughan.
2010-12-28
Fransiye axbarat agéntliqining xewer qilishiche, 2010 -yilliq nobél sahibi lyu shawbo, 28 -dékabir küni özining 55 yashqa tolghanliqi munasiwiti bilen türmide tughulghan künini xatiriligen.
