Arxip
2012-12-27
25 - Dékabir küni qaza'aqistanda bir herbiy ayropilan chüshüp kétip, ayropilandiki 7 xizmetchi we 20 ofétsir hemmisi qaza qilghan idi. Qazaqistan chégra qoghdash idarisdiki yuqiri derijilik emeldarlirining ölümige seweb bolghan bu weqe qazaqistan xelqini qattiq qayghugha chömdürdi. Prézidént nursultan nazarbayéf bügün resmiy bayanat élan qilip, 27 - dékabir künini dölet bo'i'iche matem küni dep élan qildi.
2012-12-27
Dunya Uyghur qurultiyi, xelq'ara wakaletsiz milletler teshkilati we amérika kishilik hoquqni ilgiri sürüsh fondi qatarliq organlar birliship, aldimizdiki 3 - ayda jenwede ilmiy muhakime yighini uyushturidighanliqini élan qildi.
2012-12-26
Özbékistan 31 - dékabir künidin étibaren tajikistanni tebi'iy gaz bilen teminleshni toxtitidu. Perghane uchur torining tajikistan xewer agéntliqidin neqil keltürüshiche, bu uchurni özbékistan tebi'iy gaz shirkiti “Uztrasgaz” shirkiti tarqatqan.
2012-12-26
70 Tin artuq xitay proféssor we adwokat xitay kommunist partiyisi rehberlirige mektup yollap, ularni muwapiq derijide siyasiy islahat élip bérishqa we partiyini hökümettin ayrishqa chaqirdi.
2012-12-26
26 - Dékabir yaponiye parlamént ezaliri yaponiye parlaméntida bilet tashlap, sabiq yaponiye bash weziri shinzo abéni qaytidin bash wezir qilip saylap chiqti. Shinzo abé saylamdin kéyin yéngi kabinét teshkillidi.
2012-12-26
Süriye armiyisi zhandarma etritining bash komandiri esed hökümitidin yüz örüp qozghilangchilar teripige ötüp ketkenlikini jakarlidi.
2012-12-25
Gherbliklerning diniy bayrimi bolghan rojistiwa bayrimi mezgilide, xitaydiki ammiwi tor béketliride xitay yashliri arisida ewj éliwatqan rojistiwa bayrimini ötküzüsh qizghinliqi heqqide munaziriler köpeygen. Xitaydiki Uyghur tordashlarmu bu munazirilerge qatnashqan bolup, tor béketliride “Uyghurlar rojistiwa bayrimi ötküzse bolamdu” dégen témida talash - tartishlar köpeygen.
2012-12-25
Rim papasi bénidikt 16 seyshenbe künidiki rojistiwa du'asisda xitaygha erkinlik, süriyige tinchliq tilidi. Nyuyork waqti gézitining bügünki xewiride yézilishiche, bu yil 85 yashqa kirgen rim papasi bénidikt pétér basilika chérkawining balkonida turup rojistiwa du'asi berginide, meydandiki 40 ming kishi uning “Eng qiyin mezgil, eng musheqqetlik ehwaldimu, pütün dunya ümidwar bolushi kérek. Toqunush dawamlishiwatqan süriye we zorawanliq yüz bériwatqan jaylarda urush ayaqliship, tinchliqning emelge éshishi üchün du'a qilayli.” dégen sözlirini anglighan. Papa du'asida xitayni alahide tilgha élip mundaq dégen: “Xitayning yéngi rehberliri dinning döletke qoshqan töhpisige hörmet qilishi kérek. Ularni saqlawatqan muqeddes wezipe dostane hem muhebbetlik jem'iyet qurush.”
2012-12-25
Radi'omiz xitay bölümining igilishiche, seyshenbe küni 25 - dékabir küni xitay türmiside yétiwatqan 2010 - yilliq nobil tinchliq mukapati sahibi lyu shiyawboni qoyup bérishni telep qilip imza toplighuchilar sani 390 mingdin ashqan.
2012-12-25
Xitay hökümet metbu'atlirining 25 - dékabir seyshenbe künidiki xewerliridin melum bolushiche, yéqinda xitay saqchilirining xitaydiki yünnen, gu'angdung, sichüen, enxuy, fujyen qatarliq 9 ölkide élip barghan adem bédiklirige zerbe bérish herikitide, adem bédikliridin 355 neperni qolgha alghanliqi ashkarilan'ghan.
2012-12-24
Melum bolushiche, afriqida balilar bezgek késlining tarqilish nisbiti dunya boyiche yuqiri bolup, yéqinqi yillardin béri afriqida tarqalghan xitayning saxta doriliri, mezkur késelni dawaliyalmayla qalmastin, eksiche téximu ewj aldurup, uning saqaymas késelge aylinishigha seweb bolghan.
2012-12-24
Xitay shinjang géziti ötken hepte mexsus obzor élan qilip, Uyghurlarni ayropilan bulash sheklidiki zorawanliq heriketlerni tekrar sadir qilmaliqqa chaqirghan.
2012-12-24
Shénjin shehirining buji baziridiki ahalilerdin mingdin artuq kishi ötken peyshenbe küni sheher ichide yol tosup naraziliq namayishi ötküzgen. Melum bolushiche, 2 ayning aldida da'iriler shénjinning buji dégen baziri yaqsida bir éliktir istansisi we bir exlet köydürüsh meydani berpa qilidighanliqini élan qilghan.
2012-12-24
Amérika paytexti washin'gitondiki döletlik jughrapiye muziyi, bu yil 8 - ayning 1 - künidin bashlap, “1001 Keshpiyat: islam medeniyitining altun dewri” namliq körgezme achqan bolup, melum bolushiche, nöwette bu körgezme amérika ichi - sirtidiki sayahetchilerning küchlük qiziqishini qozghimaqta.
2012-12-23
Yekshenbe küni misirda ötküzülgen yéngi asasiy qanun'gha bélet tashlash netijiside 64% awaz bilen yéngi asasiy qanun qobul qilindi.
