Arxip
2012-03-06
5-Mart düshenbe küni sichüenning aba nahiyisidiki hökümet binasi aldida dorji isimlik 18 yashliq yene bir neper tibet rahibi özige ot qoyuwélish arqiliq, xitay hökümitige bolghan naraziliqini ipadilidi.
2012-03-06
4-Mart küni kanadadiki torunto shehiri téléwiziyiside ötküzülgen, talantliqlarni tallash musabiqiside kanadadin panahliq tilep yerleshken Uyghur sérkchisi aygül memet, özining yuqiri maharetlik orunlash sen'iti bilen, 1-qétimliq tallashtin ötüp, 2-qétimliq musabiqige qatnishish sheripige érishti.
2012-03-05
Xitayda échiliwatqan memliketlik xelq qurultiyida, xitay bash ministiri wén jyabaw ikki sa'etke sozulghan uzun bir doklat bergen. U doklatida puqralarning yer-mülük hoquqining depsende qilinmasliqini qayta-qayta tekitligen.
2012-03-05
Xitaydiki meshhur öktichi sen'etkar ey wéywéy, ötken hepte yaponiyining yomi'uri gézitide pikir bayan qilip, xitay xelqining köpinchisining roh halitining normalliqigha guman bilen qaraydighanliqini bildürdi.
2012-03-05
Gensu ölkisining machü nahiyiside shenbe küni bir tibet qiz oqughuchi, nahiyining köktat bazirigha bérip özige ot qoyghan.
2012-03-05
Wiladimir putin rusiye prézidént saylimida 64% awazgha ériship utup chiqti. Saylam netijisining élan qilinishi bilen, putinni qollighuchi we qarshi turghuchilar bolup nechche onminglighan kishi moskwada namayish ötküzüp, tebrik we naraziliqlirini bildürüshti.
2012-03-05
Xitayning sana'et we uchur téxnikisi ministirliqi yéqinda hökümet aptomobillirini sétiwélishning qa'ide - tüzümliri heqqide yéngi bir belgilime layihisini otturigha qoyghan.
2012-03-04
Rusiye dölet mudapi'e ministirliki qirghizistandiki herbiy bazisi üchün töleshke tégishlik bolghan 15 milyon dollarni töleshni qarar qilghan.
2012-03-04
Yéqinda Uyghur aptonom rayoni da'iriliri Uyghur élining jenubidiki qeshqer, xoten, aqsu we qizilsudin ibaret töt wilayet we oblast teweside her yili 1200 neper memuriy xizmetchi qobul qilish siyasitini emelge ashuridighanliqini élan qildi. Mezkur qarar boyiche yuqirida nami atalghan wilayet we oblast teweside nopusi bar ottura téxnikom we aliy mektep püttürgen yashlargha nisbeten étibar bérish charisi qollinip, her yili 1200 ademni memuriy xizmetke orunlashturush belgilen'gen.
2012-03-04
Xitay 2012 - yilidiki herbiy xamchotini 11.2% Ashurghan bolup, bu heqte xitay xelq qurultiyining bayanatchisi li jawshing resmiy melumat bergen.
2012-03-04
Yekshenbe küni rusiyede prézidént saylimi ötküzüldi. Rusiyining töt chong rayonida prézidént saylimining bélet tashlishi bashlan'ghan bolup, rusiyining zémini nahayiti keng bolghanliqi üchün yiraq sherqte bélet tashlash waqti bilen yawropa qisimidiki bélet tashlashta waqit perqi chong. Netijide, pütün saylam waqti üchün 21 sa'et kétidiken.
2012-03-03
Xitayning “Shinxu'a” tori shinjang qanili bu yil kirgendin buyan mexsus Uyghurtili ders programmisi tesis qilghan bolup, mezkur programma hazirghiche 8 san ishlendi.
2012-03-03
Ötken yili 9 - ayda xitay hökümiti teyinligen chirik emeldarlarni öz yézidin qoghlap chiqirip qarshiliq körsetken wuken yézidiki déhqanlar 3 - mart bélet tashlap öz yéza bashliqini démokratik usulda saylap chiqti.
2012-03-03
Xitayning ékologiyilik muhitni qoghdash ministirlikining mu'awin ministiri xitaydiki uchtin ikki qisim sheherlerning hawa süpiti yéngi belgiligen ölchimige toshmaydighanliqini bildürdi. Melum bolushiche, xitay merkiziy hökümiti yéngi belgiligen bu hawa süpiti ölchimi 2016 - yili resmiy küchke ige bolidiken.
2012-03-03
3 - April küni ichki mongghulning tonglyaw shehiride, xitay shirketlirining charwichilarning yaylaqliri hem térilghu yerlirini igiliwélishigha qarshi chiqqan 22 neper mongghul charwichining qolgha élinish weqesi chet'ellerdiki mongghul teshkilatlirining eyiblishige uchridi.
