Arxip
2012-03-15
Xitay da'iriliri 2012-yili Uyghur élige 724 milyard yüen meblegh salidighanliqini élan qildi. Igilinishiche, bu meblegh merkezge biwasite qarashliq bolghan dölet igidarchiliqidiki karxanilar guruhi teripidin Uyghur élining kömürchilik, ximiye sana'et we éléktr énérgiyisi sahesidiki qurulush türlirige sélinidiken.
2012-03-15
Xitayning filippindiki elchisi ma kéching kéler ay amérika bilen filippinning jenubiy déngiz qirghaqliridiki palawan we luzun arallirida élip baridighan herbiy manéwirigha qarita köz qarishini bildürüp, “Bir döletning yene bir dölet bilen herbiy munasiwet ornitishi özining ichki mesilisi.
2012-03-15
Bügün 27 dölettiki 200 ge yéqin kishilik hoquq we insaniy yardem teshkilatliri birleshme bayanat élan qilip, rusiye we xitayni süriyidiki qirghinchiliqni toxtitishqa tosalghu bolmasliqqa chaqirdi.
2012-03-15
Uyghur aptonom rayoni re'isi nur bekri charshenbe küni muxbirlargha qilghan sözide, 2011-yilida herqaysi ölkilerning ghemxorluqi astida xelq turmushida zor ilgirileshlerning barliqqa kelgenlikini ilgiri sürgen.
2012-03-14
Xongkongda chiqidighan “Mingbaw géziti” ning bayan qilishiche, qeshqer ayrodromining bixeterlik tekshürüsh orni 3-ayning 12-küni chüshtin kéyin, ürümchige baridighan yoluchilarning yük-taqliri ichide ikki pay oq barliqini bayqighandin kéyin, xitay da'iriliri bu hadisidin paypétek bolushup ketken.
2012-03-14
Xitay xelq qurultiyining chong yighini yépilidighan waqitta, yillardin buyan maqullanmay kéliwatqan “Jinayi ishlar erz -shikayet qanuni” ning tüzitilgen layihisi maqullan'ghan.
2012-03-14
Fransiye prézidénti sarkozi charshenbe küni yawropa 1 radi'o istansisi arqiliq élan qilghan bayanatida, süriye rehbiri beshar esedning hazir qiliwatqini qatilliq jinayet, u xelq'ara sotqa tapshurulidu dep jakarlidi.
2012-03-14
Amérika hökümiti yéqinda, siyrek topa mesiliside xitay üstidin dunya soda teshkilatigha erz sunushni qarar qildi.
2012-03-14
Xitay bash ministiri wén jyabaw bügün xelq qurultiyi ayaghlashqanda ötküzülgen muxbirlar yighinida, kommunist partiyining 11-qurultiyi 3-omumi yighinida tiklen'gen medeniyet inqilabini inkar qilidighan idiyiwi sepni tekitlidi.
2012-03-13
Radi'omiz igiligen uchurlardin hem dunya Uyghur qurultiyi bayanatchisi dilshat rishit teminligen uchurlardin melum bolushiche, 8-mart korlining towurchi yézida yüz bergen 4 neper Uyghur pida'iy xitay saqchiliri bilen éliship ölgen weqedin kéyin, da'iriler korlida keng kölemlik tutqun qilish herikiti élip barghan.
2012-03-13
12-Mart intérnét erkinliki küni munasiwiti bilen xelq'ara metbu'atlarda élan qilin'ghan xewerlerde, xitayda dawamlishiwatqan kishilik hoquq aktiplirining tor béketlirining taqiwétilishi we xitay puqralirining intérnét erkinlikining éghir cheklimige uchrawatqanliqi tenqidlendi.
2012-03-13
Uzun bir mezgil chet'el metbu'atlirining ziyaritini qobul qilmighan ilham toxti ependi, 13-mart küni radi'omiz ziyaritini qobul qilip, özining yéqinqi bir nechche ay ichide, bolupmu ötken hepte béyjingda échilghan ikki yighin mezgilide söz-heriketlirige cheklime qoyulup, béyjing shehiridin ayrilishqa ruxset qilinmighanliqini hem öyidiki intérnét alaqisining bir hepte üzüp qoyulup, yighin ayaghlashqandin kéyin yeni 13-mart küni eslige kelgenlikini bildürdi.
2012-03-13
13-Mart küni xitay tashqi ishlar bayanatchisi lyu ming, bérma hökümet armiyisining bu yil 12-yanwar küni xitayning yünnen chégrasidin kirip, bir neper xitay puqrasini étip öltürgenlikini ashkarilidi.
2012-03-13
Xitay kündilik xewerliri gézitining in'glizche sanining 13-mart künidiki xewiride, Uyghur aptonom rayoni qoralliq saqchi qisimlirining ofitséri xu shyawchinning béyjingdiki ikki yighin mezgilide qilghan sözide, yéqindin buyan Uyghur élide yüz bergen weqelerge étnik mesililer seweb bolmighanliqini, buning chet'ellerdiki bölgünchi küchler teripidin étnik mesilige aylanduruluwatqanliqini tekitligenliki ilgiri sürüldi.
2012-03-12
Uyghur aptonom rayonluq xelq ishlar nazaritining ashkarilishiche, 9-mart xotenning lop nahiyiside yüz bergen yer tewresh xoten, qeshqer, aqsu qatarliq wilayetlerdiki16 nahiyige tesir körsitip, apetke uchrighanlarning sani 140 mingdin ashqan. 140 Mingdin artuq adem apetke uchrighan.
