Arxip
2012-04-30
Amérikida pa'aliyet élip bériwatqan, xitaygha yardem bérish jem'iyitining bayan qilishiche, nöwette béyjingdiki amérika elchixanisida panahliq tilep turuwatqan ema kishilik hoquq pa'aliyetchisi chén gu'angchénggha amérika teripidin panahliq bérilish éhtimalliqi qiyas qilinmaqta.
2012-04-30
Bügün düshenbe küni etigende, sériq déngizda béliqchiliq qiliwatqan xitayning 227 tonniliq bir béliqchi paraxoti, déngizning koriye teweliki bolghan héksan arilida peyda bolghan.
2012-04-30
Xitay chong quruqluqidiki mekteplerde ötülüwatqan siyasiy terbiye dersliki eslide, xongkongda bu yildin bashlap ötülmekchi bolghan bolup, xongkong ma'arip komitéti, bu pilanni yolgha qoyushni 2015-yiligha kéchiktürgen.
2012-04-30
5-Ay, Uyghur rayonida milletler ittipaqliqi éyi qilip békitilginige 30 yil boldi. Uyghur rayonluq partkom milletler ittipaqliqi éyi terbiyisining 30 yilliqi munasiwiti bilen 26-aprél küni yene bir uqturush chiqirip bir qatar orunlashturushlarni élip barghan.
2012-04-30
Ikkinchi qétimliq daniye erkinlik mukapati yighini ötken hepte daniyining kopinhégan shehiride ötküzülgen. Mukapat amérikida pa'aliyet élip bériwatqan xitay öktichiliridin yang jyenlige bérilgen.
2012-04-29
Yéngidin musteqil bolghan jenubiy sudan prézidéntining xitay ziyariti jeryanida xitay terep jenubiy sudan'gha 8 milyard dollar qerz bérishke qoshuldi.
2012-04-29
Bu yil 1 - april küni özbékistan tajikistanni tebi'iy gaz bilen teminleshni toxtitiwetkendin kéyin, ikki terep arisida di'alog dawamliship, özbékistan her ming kub métir tebi'iy gazni 264 dollardin sétip bérishke qoshulghan. Perghane uchur torining yézishiche, 1 - april küni özbékistanning tajikistanni tebi'iy gaz bilen teminleshni toxtitiwétishidiki sewebning özbékistanning xitay bilen tüzgen tebi'iy gaz kéli'ishimi bilen munasiwetlik ikenliki ilgiri sürülgen. Biraq, 16 - april küni tashkent birdinla düshenbe bilen qaytidin gaz teminlesh kélishimi tüzüshke razi bolghan.
2012-04-29
En'gliyide chiqidighan “Yekshenbe waqti” mejmu'esining yézishiche, bu yil en'gliyidiki eng bay ademlerning royixétini turghuzghanda, bir neper özbék béyi, yeni elishir osmanof, en'gliyidiki bu yilliq eng bay ademler tizimlikide 2 - orunni igiligen.
2012-04-29
Shendong ölkisidiki öz öyide nezerbentte turiwatqan ema hoquq qoghdighuchisi chén gu'angchéng nezerbenttin qéchip ketkendin kéyin xitay saqchi da'iriliri uning qéchisigha yardem bergen bezi ademlerni tutup ketken. B b s agéntliqining xewer qilishiche, uning bilen körüshken hoquq qoghdighuchisi xuja tutup kétilip, bir kündin kéyin qoyup bérilgen. Saqchilar uningdin ema hoquq qoghdighuchisining qéchishigha yardem bérish ehwalini sorighan.
2012-04-28
Amérikidiki “Junggogha yardem” kishilik hoquq teshkilati ötken hepte nezerbend astidin qéchip ketkenliki ilgiri sürülgen ema kishilik hoquq pa'aliyetchisining nöwette amérika emeldarlirining hamiyliqida turuwatqanliqini bildürdi.
2012-04-28
Amérika aqsaray da'iriliri teywen'ge sétip bérilmekchi bolghan küreshchi ayropilan mesilisini qayta oylishiwatqanliqini bildürdi.
2012-04-28
Shenbe küni almutida yüzligen öktichi namayish qilip, ötken yili jenubiy qazaqistandiki namayishqa chétilip jazagha tartilghanlarni qoyup bérishni telep qildi.
2012-04-28
Türkiye özining süriye bilen tutishidighan chégrasini qoghdashta natoning yardimini telep qilghan bolup, bu süriye terepning nazliqini qozghighan.
2012-04-27
Amérika awam palatasi peyshenbe küni aqsarayning agahlandurushigha qarimay, tor bixeterlik qanuni maqullidi.
2012-04-27
Uzundin buyan a'ilisige nezerbend qilin'ghan xitay ema kishilik hoquq pa'aliyetchisi chén gu'angching nezerbend astidin qéchip ketken.
