Arxip
2012-09-30
Amérika eskerliri iraqtin chiqip ketkendin kéyin bir mehel tinch ötken iraqta yene partlashlar meydan'gha keldi. Yekshenbe küni iraqning shi'e musulmanliri rayonida partlash yüz bérip, kop sanda adem ölgen. Amérika awazining xewer qilishiche, yekshenbe künidiki bir qanche jayda yüzbergen partlashlarda kem dégende 32 adem ölgen.
2012-09-30
Amérika prézidénti saylimi yétip kélish aldida turiwatqan bu künlerde amérikida saylam pa'aliyetliri kücheymekte. Shenbe amérika prézidént namzati we hazirqi prézidént barak obama shenbe küni nutuq sözlep, asasliqi iqtisadiy mesililer heqqide toxtalghan. Jumhuriyetchilerdin kélip chiqqan prézidént namziti romnéymu nutuq sözlep, qandaq qilghanda téximu qudretlik amérika qurup chiqish mumkinlikini delilligen. Nowette, bu ikki namzat neq meydan munazirisi ötküzüshke teyyarliq qilmaqta. Mezkur munazire prézidént saylimidiki eng muhim we ehmiyetlik pa'aliyet hésablinidu.
2012-09-30
Yekshenbe küni türkiyining hakimiyet yürgüzüwatqan partiye adalet we tereqqiyat partiyisining qurultiyida söz qilghan bash ministir tayip erdoghan türkiyining démokratik tereqqiyat modéli heqqide toxtalghanda, türkiyining démokratik tereqqiyatigha yuqiri baha bergen. Birleshme agéntliqining xewer qilishiche, erdoghan sözide on yil ichide türkiyining rayondiki küch döletke aylan'ghaliqi, iqtisadiy jehettin téz tereqqi qilghanliqini körsetken.
2012-09-29
Amérikida chiqidighan dow jonés xewerler torida körsitishiche, xitay dölet igidarliqidiki néfit guruhi - junggo néfit ximiye shirkiti Uyghur élidiki bezi néfit we tebi'iy gazliqlargha chet'el shirketlirini meblegh sélishqa teklip qilmaqta iken.
2012-09-29
28 - Séntebir amérika prézidénti obama bir xitay shirkitining amérika origon shtatigha jaylashqan shamal énérgiye meydanini ötküzüwélishigha qarshi chiqip, sétiwélish toxtamini bikar qilghan.
2012-09-29
Musulmanlargha qarshi filim ishlep pütün dunya miqyasidiki musulmanlarning ghezipini qozghighan kaliforniyilik filim ishligüchi peyshenbe küni türmige tashlandi.
2012-09-28
Xitay kompartiyisi sabiq chungching sheherlik partkom sékrétari, siyasiy byuro ezasi bo shileyning partiyidin qoghlap chiqilghanliqi we jinayi jawabkarliqqa tartilidighanliqini élan qildi.
2012-09-28
Xitay kompartiyisi merkizi komitét siyasiy byurosi jüme küni yighin chaqirip, kompartiye 18-qurultiyini 8-noyabir küni chaqirishni otturigha qoyghan.
2012-09-28
Xitay öktichi yazghuchisi yü jyé peyshenbe küni Uyghur mesilisi heqqide pikir bildürüp, “Shinjang mesilisi” ning tibetke qarighanda kelgüsidiki ehwali nahayiti müshkül bolidighanliqi, buningdiki seweb Uyghur ilidiki xitay köchmenlirining ikenlikini bildürdi.
2012-09-28
Xitay bilen yaponiye wekilliri peyshenbe küni b d t omumi yighinida nöwet bilen sözge chiqip, sénkaku yaki dyawyü arilining igilik hoquq mesiliside bir-biri bilen qattiq zakonlashti.
2012-09-28
Tibet sürgünde hökümitining bash ministiri lobsang san'gay dunya jama'etchilikige xitab qilip, xitaygha bésim ishlitishni, tibetning kishilik hoquqigha yardem qilishqa chaqirdi.
2012-09-27
Xitayning teshwiqat da'iriliri Uyghur éli miqyasida “Ulugh wetenni qizghin söyüp, güzel yurt berpa qilish” herikitini yolgha qoyghandin béri, herqaysi bilim yurtliridiki wetenperwerlik öginishlirining salmiqi ashurulghan.
2012-09-27
Yaponiyining héywadu soda saraylar zenjiri xitayda achqan 3 soda saray ötken heptilerde yüz bergen yapon'gha qarshi naraziliq namayishlarda namayishchilarning hujumigha uchrap, 6 yérim milyon dollargha yéqin ziyan tartqan.
2012-09-27
Bügün amérika dölet mejlisidiki bir qisim ezalar birlikte bayanat élan qilip, barak obama hökümitidin xitayning quyash énirgiye taxtilirigha qoyulidighan bajning türlirini ashurushni telep qildi. Ular xétide, yéqinda amérika soda ministirliqi teripidin chiqirilghan, import qilin'ghan batariye ishlitilgen quyash énirgiye taxtilirigha bajni 30 pirsent töwenlitish qararini tenqid qilip, buning xitaydiki quyash énirgiye taxtisi ishlepchiqiridighan shérketlerning özi qurashturghan batariyilerni chet'eldin kirgüzgen dep körsitishge we bu arqiliq bajdin özini qachurushigha yol échip béridighanliqini bildürdi.
2012-09-27
Xitay soti bügün öktichi sen'etkar ey wéywéyning naraziliq erzini ret qildi. Ey wéywéy béyjing da'iriliri teripidin baj qachurush bilen eyiblen'gendin kéyin, uninggha 2 milyon 400 ming dollar jerimane qoyulghan idi. Emma bügün uning qarargha étiraz bildürüp, yuqiri sotqa yollighan axirqi qétimliq erzimu ret qilin'ghan.
