Бермилиқ паалийәтчиләр хитайниң су амбар қурулушлириниң бермилиқларни зиянға учратқанлиқини елан қилди

Берминиң шан-сапава муһит тәшкилати вә шан аяллар һәрикити тәшкилати түнүгүн бир доклат елан қилип, хитайниң луңҗяң дәрясида бәрпа қилған су амбар қурулушиниң дәряниң төвәнки еқинидики бермилиқ аһалиләрни, җүмлидин дәря яқисида тиҗарәт вә қатнаш мулазимити билән тирикчилик қилидиған 16 миң нопуслуқ аһалини еғир зиянға учратқанлиқини билдүрди.
Мухбиримиз шөһрәт һошур
2010-12-14
Елхәт
Пикир
Share
Принт

Доклатта билдүрүлүшичә, луңҗяң дәрясиниң йүннән тәвәликидә қурулған су амбири, дәряниң бирма тәвәликидики су миқдарини алаһидә төвәнлитивәткән. Буниң билән бермадики мәзкур тәвәликтә екологийилик тәңпуңлуқ бузулуштин башқа, мәзкур дәря вә дәря яқисидики сода-тиҗарәт вә қатнаш мулазимәт миқдарида еғир дәриҗидә чекиниш йүз бәргән.

Мәзкур паалийәтчиләр доклатида, хитайни су қурулуши елип барғанда әтраптики дөләтләр билән кеңәшлик иш қилишқа вә луңҗяң су амбириниң төвән еқиндикиләргә кәлтүридиған зийинини азайтишқа чақирған. Луңҗяң дәряси җайлашқан йүннән өлкиси шәрқий җәнуби асиядики бирма, лаос вә вйетнам қатарлиқ дөләтләр билән чегрилиниду. Мәзкур чегра бойлири йеқинқи йиллардин бери хитайдин қечип чиқмақчи болған сиясий панаһланғучилар үчүнму муһим бир өтәң болуп қалмақта. Бу әһвал, райондики су қурулуши маҗиралириға қетилип, бәзидә хитайниң мәзкур дөләтләр билән һәмкарлиқиниң күчийишигә сәвәб болса, бәзидә тәрәпләрниң дөләт бихәтәрлик күчлири арисида гуман вә әндишә пәйда қилмақта.

Пикирләр (0)
Share
Толуқ бәт