Xelq'ara sot sudan prézidénti ömer el beshrni tutush heqqide buyruq chiqardi

Gollandiyidiki xelq'ara sot mehkimisining sotchiliri we diplomatlarning 2 ‏ - ayning 11 ‏ - küni 'nyu york taymis géziti' ge ashkarilishiche, xelq'ara jinayi ishlar sot mehkimisi sudan prézidénti ömer el beshrni tutush heqqide buyruq chiqarghan.
Muxbirimiz weli
2009.02.14

Bu, mezkur sotning wezipe ötewatqan dölet bashliqi üstide chiqarghan tunji qétimliq tutush buyruqi bolup hésablinidu.

Xewerde bayan qilinishiche, mezkur sotning bash sotchisi luys moréno okampo bultur 7 ‏ - ayda, sudan prézidénti ömer el beshrni insaniyetke qarshi urush jinayiti sadir qildi, sudanning darfur rayonida qirghinchiliq pilanlap, üch milletni qirip tügitishke urundi, dep jakarlighanda, birleshken döletler teshkilatning bash katipi ban kimon darfurdiki qirghinchiliqqa sudandiki beshr hökümiti choqum jawabkar bolushi kérek, dep körsetken idi.

Xewerde bayan qilinishiche, ömer el beshr 1989‏ - yili siyasiy özgürüsh arqiliq hakimiyet béshigha chiqqandin kéyin, sudanda herbiy halet yürgüzüp, döletning asasiy qanunini emeldin qaldurghan we bu dölettiki bashqa partiyilerni, hetta yuqiri derijilik générallarni, emeldarlarni pütünley tazilap yoqatqan. 2003 ‏ - Yilidin bashlap darfur rayonini néfitlikke aylandurush üchün, shu ziminda ewladmu - ewlad yashap kéliwatqan üch millettin 400 ming ademni qirip tashlighan we 2 milyon ademni yurtidin qoghlap chiqarghan.
 
Darfur mesiliside, xitayning dölet re'isi xu jintaw bashtin axir sudan hökümitini qollap kéliwatidu. 2 ‏ - Ayning 4 ‏ - küni yene, xitay bilen sudan otturisida déplomatiye ornitilghanliqining 50 yilliqi munasiwiti bilen ömer el beshrgha yollighan tebrik xétide 'junggo sudan hökümitini qollaydu' dep jakarlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.