ئەرەب دۆلەتلىرى ئىتتىپاقى سۈرىيىگە ئېمبارگو قويدى
مۇخبىرىمىز ئۈمىدۋار
2011.11.27
2011.11.27
ب ب س ئاگېنتلىقىنىڭ خەۋەر قىلىشىچە، بۇنىڭدىن ئىلگىرى ئەرەب دۆلەتلىرى ئىتتىپاقى 4000 نەپەر تەكشۈرگۈچى خادىمنى سۈرىيىگە ئەۋەتىپ، ئۇ يەردىكى ۋەقەلەر ۋە ۋەزىيەتنى تەكشۈرۈشنى تەلەپ قىلغان بولسىمۇ، لېكىن سۈرىيە ھۆكۈمىتىنىڭ رەت قىلىشىغا ئۇچرىغان ئىدى.
سۇرىيە ھۆكۈمىتى ئەرەب دۆلەتلىرى ئىتتىپاقىنىڭ سۈرىيىگە قاراتقان بۇ قېتىمقى رەسمىي ئېمبارگو قارارىنى قاتتىق تەنقىد قىلىپ، ئۇنى ئەرەب دۆلەتلىرىنىڭ ئىتتىپاقلىقىغا قىلىنغان خائىنلىق دەپ ئەيىبلىگەن.
بىرلەشمە ئاگېنتلىقىنىڭ خەۋەر قىلىشىچە، 100 دىن ئارتۇق سۇرىيە ھەربىي ۋە ساقچى ئوفىتسېرى ئىئوردانىيىگە قېچىپ بېرىپ پاناھلىق تىلىگەن. يەكشەنبە كۈنى سۈرىيىنىڭ ھورمس رايونىدا يەنە 11 پۇقرا ئۆلتۈرۈلگەن.