Парижда сүрийә өткүнчи һөкүмити қурулди

Бүгүн парижда "сүрийә өткүнчи һөкүмити" қурулғанлиқи җакарланди. Бу һөкүмәтни сүрийидә 1963-йили әсәд аилиси һакимийәтни тартивелиштин аввал баш министир болған маарофниң һазир чәтәлдә яшайдиған оғли нофал қурған.
Мухбиримиз ирадә
2012-04-26
Share

У бу һөкүмәтниң сүрийидики вәзийәт барғансери яманлишип кетиватқан бир әһвал астида, сүрийә хәлқиниң әркинлик тәләплирини чиқиш қилған һалда қурулғанлиқини билдүргән. Әмма, у өзиниң сүрийидики башқа өктичи тәшкилатлар билән қандақ һәмкарлишидиғанлиқи һәққидә тохталмиған.

Бүгүн йәнә, сүрийә даирилири б д т ниң уруш тохтитиш келишимини көзитиш үчүн 100 көзәткүчи әвәтишигә мақул болғанлиқини җакарлиди. Бу сүрийигә әвәтилиши пилан қилинған 300 кишилик көзәткүчиниң бир қисми.

Сүрийә даирилири билән қораллиқ өктичиләр арисида уруш тохтитиш елан қилинғандин кейин, һәр иккила тәрәп бир-бирини келишимгә әмәл қилмаслиқ билән әйибләп кәлмәктә. Пәйшәнбә күни сүрийиниң хама шәһиридә партлаш йүз берип, йәнә 16 киши өлди. Сүрийә дөләт телевизийиси вәқәдә қораллиқ исянчиларни әйиблиди. Әмма өктичиләр болса буни рәт қилип, партлашни әсәд күчлириниң пәйда қилғанлиқини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт