Süriye-türkiye chégrasidiki toqunush seweblik dawut'oghlu xitaydiki ziyaritini yérim yolda toxtatti

Süriye-türkiye chégrasida yüz bergen toqunush sewebidin, türkiye tashqi ishlar ministiri exmet dawut'oghlu 10-aprél seyshenbe küni xitaydiki ziyaritini yérim yolda toxtitip, türkiyige qaytip ketti.
Muxbirimiz méhriban
2012.04.10

Emma türkiye bash ministiri rejep tayyip erdughan xitay ziyaritini dawamlashturuwatqan bolup, erdughan bu qétimqi ziyaritide xitay bash ministiri wén jyabaw hem xitay dölet re'isi xu jintaw qatarliqlar bilen körüshken.

9-Aprél türkiye-süriye chégrasida yüz bergen, süriye eskerlirining türkiye chégrasi ichige oq étip, 4 neper süriyilik musapirni hem musapirlar lagérining ikki neper türkiyilik xizmetchisini yarilandurush weqesidin kéyin türkiye-süriye munasiwiti jiddiyleshken idi.

8-Aprél küni türkiye bash ministiri rejep tayyip erdughan hem tashqi ishlar ministiri exmet dawut'oghlu ürümchidiki ziyariti mezgilide, Uyghurlarning, xitay hökümitining ürümchi kochilirigha orunlashturghan qatmu-qat saqchilirining nazariti hem tosqunluqigha qarimastin, kochigha chiqip, ularni qizghin kütüwélip, söygüsini ipadiligenliki ikki kündin buyan türkiye metbu'atlirining asasliq xewer obyékti bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.