Süriyining trémsé baziridiki qetli'am xelq'araning jiddiy inkasini qozghidi

Süriyining xama shehiri etrapidiki trémsé bazirida peyshenbe küni yüz bergen qetli'am xelq'ara jem'iyetning jiddiy inkasini qozghidi. Bu kishilerde “Mezkur weqe xelq'ara jem'iyetning pozitsiyini özgertip, herbiy arilishishigha türtke bolamdu” dégen so'alni peyda qildi.
Muxbirimiz erkin
2012-07-13
Share

Süriye öktichilirining ilgiri sürüshiche, süriye armiyisi we hökümetni qollaydighan “Sahabe” qoralliq küchliri peyshenbe küni trémsé bazirini tanka, top we tik'ucharlar arqiliq bombardiman qilip, arqidin bazardiki ahalilerni keng kölemlik qetli'amgha tutqan. Öktichilerning “Xama inqilabiy rehberlik kéngishi” namliq yerlik orgini roytérs axbarat agéntliqigha melumat bérip, qetli'amda 220 din artuq adem ölgenlikini bildürgen.

B d t we ereb ittipaqi alahide wekili kofi annan jüme küni trémséda yüz bergen qetli'amgha inkas qayturup, bu weqedin “Qattiq chöchügenliki” ni bildürgen. U süriye hökümitini tenqidlep, uning éghir qorallarni ahaliler topliship olturaqlashqan rayonlardin élip chiqip kétishni öz ichige alghan 6 maddiliq tinchliq pilanigha xilapliq qilghanliqini ilgiri sürgen.

B d t xewpsizlik kéngishi tünügün süriye heqqidiki ikki layihini muzakire qilghan idi. 1‏-Layihini en'gliye otturigha qoyghan bolup, bashir esedke 10 künlük muddet bérish, mushu muddet ichide zorawanliqni toxtatmisa, b d t nizamnamisining7 ‏- maddisini heriketke keltürüsh telep qilin'ghan. 7‏-Madda herbiy émbargoni öz ichige alidu.

2‏- Layihe rusiyining bolup, biraq rusiye b d t ning közetküchilik wezipisini yene 3 ay uzartishni otturigha qoyghan bolsimu, biraq rusiyining layihiside 7- madda tilgha élinmighan. Rusiye en'gliyining layihisige qarshi chiqip, uninggha ret awazi béridighanliqini agahlandurghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet