Xitay we rusiye süriye hökümitini jazalashni yene ret qildi

Bügün xitay we rusiye b d t xewpsizlik kéngishide awazgha qoyulghan süriye hökümitini jazalash tedbirlirini yene ret qilip, gherb döletlirining qattiq ghezipini qozghidi.
Muxbirimiz irade
2012-07-19
Share

Fransiye agéntliqining bayan qilishiche, en'gliyining xewpsizlik kéngishidiki wekili lyal grant bügün bergen bayanatida “Kéngeshtin chiqqan bu netije en'gliyini qattiq chöchütti. Rusiye we xitay ret qilish hoquqidin paydilinip bu zalim hakimiyetni qoghdidi. Milyonlarche süriye xelqining jénini öz menpe'iti üchün qurban qildi” dégen.

Amérika, en'gliye we fransiyimu öz bayanatlirida b d t 'ning süriye xelqige yüz kélelmeydighanliqini ipade qilghan.

Xitay we rusiye bundin ilgirimu ikki qétim süriye hökümitini qirghinchiliqtin toxtitish meqset qilin'ghan qarar layihisini ret qilip, b d t ni süriye mesiliside palech halgha chüshürüp qoyghan idi. Shuningdin béri gerche alaqidar dölet we teshkilatlarning rehberliri süriye mesiliside rusiye we xitayni maqul keltürüsh üchün nurghun diplomatik tirishchanliqlarni körsetken bolsimu, emma buning ünümi bolmighanliqi melum boldi.

Xitay we rusiye b d t xewpsizlik kéngishide jaza tedbirini ret qiliwatqanda süriyide bolsa hökümet küchliri öktichi küchlerge qaratqan qoralliq heriketni ashurup, isyanchilarni paytexttin uzaqlashturush üchün tanka, tik uchar we éghir tipliq qorallarni ishqa sélishqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet