Таҗикистанда 25 мәһкум түрмидин қачти

Бүгүн таҗикистанда узун муддәтлик қамақ җазасиға һөкүм қилинған 25 нәпәр мәһкум түрмидин қачти. Игилинишичә, түрмидин қачқан мәһкумлар йерим кечә билән таҗикистанниң пайтәхти дүшәнбигә йеқин җайдики түрмидин қачқан.
Мухбиримиз ирадә
2010.08.23

Қечиш җәрянида уларниң 6 түрмә муһапизәтчисини өлтүргәнлики вә афғанистан чегрисиға қарап қачқан болуши мумкинлики билдүрүлмәктә.

Б б с ниң хәвәр қилишичә, қачқанларниң арисида өзбекистан исламий һәрикитиниң әзалири вә кона өктичи қоманданлардин мирза зияйефниң икки оғлиму бар икән. Таҗикистан хәвәр мәнбәлири қачқучиларниң арисида русийә вә афғанистан пуқралириниңму барлиқини илгири сүргән.

Игилинишичә, бу мәһкумлар өткән һәптә "ички уруштики гуруппилардин таҗик өктичи мирза зияйефниң қораллиқ тәшкилатиға әза" дегән һөкүм билән 30 йиллиқ қамақ җазалириға һөкүм қилинған. Таҗик хәвәр агентлиқлири қачқунларниң таҗикистанниң шәрқидики рашит вадиси тәрәпкә кәткәнликини билдүрмәктә.

Таҗикистандики исламчи өктичи күчләрниң зор бир қисми һөкүмәт билән елип берилған сөһбәттин кейин тенчлиқ келишими мақуллап, келишимгә асасән қорал ташлиған. Әмма, келишим әйнән йолға қоюлмиғанлиқтин икки тәрәп арисидики зиддийәт қайтидин өткүрләшкән.

Өткән язда таҗикистанниң шәрқидики тағлиқ районларда зияйефниң әзалириға қарита бир тазилаш һәрикити елип берилип, нурғун киши қолға елинған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.