Tajikistanda yer tewrep 20 ming adem makansiz qaldi

2 - Yanwar küni tang seherde tajikistanning sherqiy qismidiki, yeni paytext düshenbidin 300 kilométir néridiki taghliq bedexshan wilayiti teweside 5.5 Bal yer tewresh hadisisi yüz bergen bolup, tajikistanning asiya - plus agéntliqi texminen 20 ming ademning makansiz qélip xaniweyran bolghanliqini xewer qilghan.
Muxbirimiz ümidwar
2010-01-03
Share

Rusiyining intérfakis agéntliqi bolsa, bu yer tewreshte 1050 öyning weyran bolghanliqi, omumiy ziyanning bir yérim milyon dollargha yetkenlikini, öyliri örülgen kishilerning urugh - tughqanlirining öyliri, mektep we bashqa munasiwetlik jaylargha orunliship panahlan'ghanliqini xewer qildi.

Bu qétimliq yer tewresh hadisiside gerche köp öyler örülgen bolsimu, lékin adem ölüsh körülmigen.

Tajikistan ottura asiyadiki iqtisadiy bir qeder arqida qalghan memliket bolup, shu sewebtin bir milyon etrapida tajikistanliqning rusiyige kétip, tirikchilik qiliwatqanliqi xewer qilindi. Xewerlerde yer tewresh apitige uchrighan bu ademlerge qandaq ichki we xelq'araliq insanperwerlik yardemliri yetküzülüwatqanliqi heqqide melumat yoq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet