Xitay Uyghur élining bayliqlirini yötkesh qedimini tézletmekte

Xitay hökümiti Uyghur élidin xitay ölkilirige tutashturulidighan yéngi tomur yol liniyisining qurulushini bashlidi. Bu liniye 2013 - yili resmiy ishqa kirishtürülidiken. Shinxu'a agéntliqida körsitishiche, Uyghur élidiki tömüryol shirkiti bu heqtiki xewerni ötken peyshenbe küni ashkarilighan.
Muxbirimiz jüme
2010-04-19
Share

Melum bolushiche, bu nöwet yasilidighan qosh rélis qurulushi tamamlansa, eslidiki qosh rélis mexsus yük toshuydighan rélisqa aylandurulup, yéngi qosh rélis mexsus yoluchi toshuydighan rélisqa aylandurulidiken.

Xewerde neqil qilishiche, qumul wilayiti teweside élip bériliwatqan tömüryol qurulushigha mes'ul jin dining bildürüshiche, yéngidin yasiliwatqan tömüryol yuqiri sür'etlik bolup, eng yuqiri tézliki sa'itige 250 kilométirgha yétidiken. Shundaq bolghanda lenjudin ürümchige kélish musapisi 10 sa'et qisqiraydiken.

Xewerde ashkarilinishiche, mezkur yéngi tömüryol liniyisining chingxey - gensu bölikide bu yil marttila ish bashlinip bolghan iken.

Uyghur éli intayin mol yer üsti we yar asti bayliqlirigha ige. Xitay mezkur rayonning bayliqlirini yötkesh qedimini her xil wasitiler bilen tézlitishke bashlimaqta.

Xewerde körsitishiche, bu yil Uyghur élidin 30 milyon tonna kömür xitayning bashqa ölkilirige toshulidiken. Bu 2012 yiligha kelgende 50 milyon tonnigha yetküzülidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.