Tanzaniye paytext darulsalamda dukan achidighan xitay tijaretchilirining 30 kün ichide tanzaniyidin ayrilishini telep qildi

Tanzaniye "puqralar" gézitining peyshenbe küni tanzaniye soda sana'et da'iriliridin neqil keltürüp xewer qilishiche, darulsalamda tijaret qiliwatqan xitay dukandarliri tanzaniyige meblegh sélish namida kelgen bolup, da'iriler ularning meblegh sélish namida kélip, ushshaq tijaret bilen shughullinishigha yol qoyulmaydighanliqini bildürgen.

Tanzaniye soda sana'et ministirliqining yuqiri derijilik emeldarliri peyshenbe küni xitaylar topliship tijaret qilidighan darulsalamdiki eng chong soda bazarliridin kari'ako bazirini közdin kechürüp, 30 kün ichide tanzaniyidin chiqip ketmigen xitay dukandarlirining chégradin qoghlap chiqirilidighanliqini bildürgen.

Tanzaniye da'irilirining melumatidin qarighanda, daramsaladiki kari'ako bazirida 250 ming adem soda qilidiken. B b s ning xewer qilishiche, xitayning tanzaniyide turushluq soda -iqtisad wakaletxanisi tanzaniye da'irilirining xitay dukandarlirini qoghlap chiqirish qararidin xewiri yoqluqini bildürgen.

Xitay yéqinqi bir qanche yildin buyan xitay afriqa ellirige meblegh sélishni kücheytipla qalmay, türlük yollar bilen kélip, afriqa elliride dukan achidighan xitay dukandarlirining sanimu zoriyishqa bashlighan. Lékin bu, yerlik tijaretchilerning tirikchilik yolini étip qoyghan idi. Tanzaniye soda -sana'et da'iriliri dukan échish ishlirini yerlik xelq élip bérishi kéreklikini bildürgen.