Америка җон хопкинис университетида тарим мумиялириниң сири һәққидә илмий доклат бериш йиғини өткүзүлди

Америка җон хопкинис университетида тарим мумиялириниң сири һәққидә илмий доклат бериш йиғини өткүзүлди
Мухбиримиз әркин
2011.01.12
Share on WhatsApp
Share on WhatsApp

Америка җон хопкинис университетиниң пайтәхт вашингтондики паул нетзи хәлқара тәтқиқат институтида чаршәнбә күни "йипәк йолидики сир‏- тарим мумиялири" намлиқ илмий доклат бериш йиғини өткүзүлди.

Йиғинда тарим мумиялири һәққидә тәтқиқат елип барған америка мутәхәссислиридин пенсилванийә университетиниң профессори вектор мейир доклат берип, тарим мумиялириниң келиш мәнбәси, һазирқи әһвали, уларниң антеропологийилик алаһидилики, мумияларниң тили, өрп-адити қатарлиқ мәсилиләргә чүшәнчә бәрди.

Җон хопкинис университетидики мәзкур паалийәт, нөвәттә бир қисим тарим мумиялириниң америка музейлирида көргәзмигә қоюлуватқанлиқи мунасивити билән уюштурулған.

Профессор вектор мейир, мумияларниң америкида көргәзмә қилиниш паалийитигә йеқиндин арилишиватқан мутәхәссисләрниң биридур. Көргәзмигә көнчи дәрясиниң бир тармақ еқимидин тепилған вә буниңдин 4000 йил бурун яшиған бир аялниң мумиясини өз ичигә алған йүз нәччә хил архилогийилик қезилма қоюлған.

Мәзкур көргәзмини америкиниң калифорнийә штатидики бовериз музейи билән уйғур аптоном районлуқ архилогийә институти вә аптоном районлуқ музей бирлишип уюштурған иди.

Мумия вә архилогийилик буюмлар тунҗи қетим 2010‏-йили 3-айдин 7‏-айғичә бовериз мозийида көргәзмә қилинған. Шу йили 8-айдин бу йил 1‏-айғичә хюстон тәбиәт мозийида көргәзмигә қоюлди. Мумиялар келәр айдин башлап пенсилванийә университетиниң архилогийә вә антиропологийә мозийида көргәзмигә қоюлиду. Көргәзмә бу йил 6‏- айға қәдәр давамлишидикән.

Америкидики мунасивәтлик органлар узун йиллардин буян тарим мумиялирини америкида көргәзмә қилишни тәләп қилип кәлгән болсиму, лекин хитай даирилири америка тәрәпниң тәлипини изчил рәт қилип кәлгән.

Лекин, америкидики мәзкур паалийәттин хәвәрдар затларниң ашкарилишичә, уйғур аптоном райони даирилири "5- июл вәқәси" дин кейин бовериз музейи билән алақилишип, мумияларни америкида көргәзмә қилишқа қошулидиғанлиқини билдүргән. Бу узун йиллардин буян мумиялар мәсилисидә хитайни қайил қилалмай келиватқан америкилиқларға наһайити тасадипий туюлған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт